ಲುಕ್ 9

ಜೆಜು ಬಾರಾ ಅಪೊಸ್ತಲಾಕ್ನಿ ಭಾಯ್ರ್ ಧಾಡ್ತಾ.

1 ಜೆಜುನ್ ಬಾರಾ ಶಿಸಾಕ್ನಿ ಎಕಾಕ್ಡೆ ಬಲ್ವುಲ್ಯಾನ್ ಅನಿ ಗಿರೆ ಕಾಡ್ತಲೊ ಅದಿಕಾರ್ ಅನಿ ಬಳ್ ತೆಂಕಾ ದಿಲ್ಯಾನ್, ಅನಿ ರೊಗಾ ಗುನ್ ಕರ್‍ತಲೊಬಿ ಬಳ್ ದಿಲ್ಯಾನ್. 2 ಮಾನಾ ತೆನಿ ತೆಂಕಾ ದೆವಾಚ್ಯಾ ರಾಜಾಚಿ ಬರಿ ಖಬರ್ ಸಾಂಗುಕ್ ಅನಿ ರೊಗಾತ್ನಿ ಹೊತ್ತ್ಯಾಕ್ನಿ ಗುನ್ ಕರುಕ್ ಬಾರಾ ಜಾನಾ ಶಿಸಾಕ್ನಿ ಧಾಡುನ್ ದಿಲ್ಯಾನ್. 3 ತೆನಿ ತೆಂಕಾ ಅಶೆ ಸಾಂಗ್ಲ್ಯಾನ್ "ತುಮಿ ಜಾತಾನಾ ವಾಟೆಕ್ ಮನುನ್ ಕಾಯ್ಬಿ ಘೆವ್‍ಕಾಶಿ: ದಾಂಡೊ ಹೊಂವ್ದಿ; ಪಿಸ್ವಿ ಹೊಂವ್ದಿ, ಜೆವಾನ್ ಹೊಂವ್ದಿ,ಪೈಸೆ ಹೊಂವ್ದಿ, ಎಕ್ ಜಾಸ್ತಿಚಿ ಅಂಗಿ ಸೈತ್ ಘೆವ್‍ನಕಾಶಿ. 4 ಖಲ್ಯಾ ಘರಾತ್ ತುಮ್ಕಾ ಸ್ವಾಗತ್ ಕರ್‍ತ್ಯಾತ್, ತೆ ಶಾರ್ ಸೊಡುನ್ ಜಾಯ್ ಪತರ್ ತ್ಯಾಚ್ ಘರಾತ್ ರ್‍ಹಾವಾ: 5 ಖೈ ತರ್ ತುಮ್ಕಾ ಸ್ವಾಗತ್ ಕರಿನಸ್ಲ್ಯಾರ್, ತೆ ಶಾರ್ ಸೊಡುನ್ ಚಲಾ. ಜಾತಾನಾ ತುಮ್ಚ್ಯಾ ತಳ್‍ಪಾಯಾಚಿ ಮಾಟಿ ಫಾಪ್ಡಾ, ಹೆ ತೆಂಕಾ ಎಕ್ ಸಾಕ್ಷಿ ಹೊಂವ್ದಿ", ಮಟ್ಲ್ಯಾನ್.

6 ಅಶೆ ಶಿಸಾ ಗೆಲಿ ಅನಿ ಬರಿ ಖಬರ್ ಸಾಂಗುನ್ಗೆತ್ ಅನಿ ಸಗ್ಳ್ಯಾ ಶಿಕ್ ಹೊತ್ತ್ಯಾ ಲೊಕಾಕ್ನಿ ಗುನ್ ಕರುನ್ಗೆತ್ ಸಗ್ಳ್ಯಾ ಗಾಂವಾತ್ನಿ ಫಿರ್‍ಲಿ.