ಜೆಜು ಬಾರಿಕ್ ಪೊರಾಕ್ನಿ ಆಶಿರ್ವಾದ್ ದಿತಲೆ
13 ಥೊಡ್ಯಾನಿ ಜೆಜು ಅಪ್ನಾಚ್ಯಾ ಪೊರಾಂಚ್ಯಾ ವರ್‍ತಿ ಹಾತ್ ಥವ್ಕ್ ಮನುನ್ ತೆಂಚ್ಯಾ ಪೊರಾಕ್ನಿ ಜೆಜುಕ್ಡೆ ಘೆವ್ನ್ ಯೆಲ್ಯಾನಿ, ಖರೆ ಶಿಸಾನಿ ತೆಂಕಾ ಅಡ್ವುಲ್ಯಾನಿ. 14 ಹೆ ಬಗುನ್ ಜೆಜು ಅಪ್ನಾಚ್ಯಾ ಶಿಸಾಂಚ್ಯಾ ವರ್‍ತಿ ರಾಗ್ ಹೊಲೊ ಅನಿ "ಪೊರಾಕ್ನಿ ಮಾಜೆಕ್ಡೆ ಯೆವ್ಕ್ ಸೊಡಾ, ತೆಂಕಾ ಅಡ್ವುನಕಾಶಿ, ಕಶ್ಯಾಕ್ ಮಟ್ಲ್ಯಾರ್ ದೆವಾಚೆ ರಾಜ್ ಅಸ್ಲ್ಯಾಂಚೆಚ್," 15 ಖರೆಚ್ ಮಿಯಾ ತುಮ್ಕಾ ಸಾಂಗ್ತಾ "ಎಕ್ ಪೊರಾಂಚ್ಯಾ ಬಾಸೆನ್, ಬರ್‍ಯಾ ಮನಾನ್ ಜೆ ಕೊನ್ ದೆವಾಚೆ ರಾಜ್ ಸ್ವಿಕಾರ್ ಕರಿನಾ, ತೊ ಕನ್ನಾಚ್ ದೆವಾಚ್ಯಾ ರಾಜಾತ್ ಜಾವ್ನ್ ಪಾವುಕ್ ಹೊಯ್ನಾ" ಮನುನ್ ಸಾಂಗ್ಲ್ಯಾನ್. 16 ಮಾನಾ ಜೆಜುನ್ ಪೊರಾಕ್ನಿ ಅಪ್ನಾಚ್ಯಾ ಹಾತಿನಿ ಯಾಂಗ್ ಮಾರುನ್ ಧರುನ್ ಅಪ್ಲೊ ಹಾತ್ ತೆಂಚ್ಯಾ ಟಕ್ಲ್ಯಾ ವರ್‍ತಿ ಥವ್ನ್ ತೆಂಕಾ ಆಶಿರ್ವಾದ್ ದಿಲ್ಯಾನ್.
ಮಾತೆವ್ 19:16-30; ಲುಕ್ 18:18-30