ಮಾತೆವ್ 22

ಮರ್‍ನಾತ್ನಾ ಝಿತ್ತೆ ಹೊವ್ನ್ ಉಟ್ತಲ್ಯಾ ವಿಶಯಾತ್ ಸವಾಲ್

23 ತ್ಯಾಚ್ ದಿಸಿ ಉಲ್ಲೆ ಸಾದುಸೆವ್ ಜೆಜುಕ್ಡೆ ಯೆಲೆ, ಅನಿ ಲೊಕಾ ಮರುನ್ ಮರ್‍ನಾತ್ನಾ ಝಿತ್ತಿ ಹೊವ್ನ್ ಉಟಿನಾತ್ ಮನುನ್ ಸಾಂಗುಕ್‍ಲಾಲೆ. 24 ತೆನಿ ಜೆಜುಕ್,"ಗುರುಜಿ, ಮೊಯ್ಜೆನ್ ಎಕ್ ಮಾನುಸ್ ಪೊರಾ ನಸ್ತಾನಾ ಮರ್ಲ್ಯಾರ್ ತೆಚ್ಯಾ ಭಾವಾನ್ ತೆಚ್ಯಾ ಬಾಯ್ಕೊಕ್ಡೆ ಲಗಿನ್ ಕರುನ್ ಘೆವ್ಚೆ. ಅನಿ ತೆಂಕಾ ಜಲಮಲ್ಲಿ ಪೊರಾ ತ್ಯಾ ಮರಲ್ಲ್ಯಾ ಮಾನ್ಸಾಚಿ ಪೊರಾ ಮನುನ್ ಲೆಕ್ಕ್, ಮನುನ್ ಸಾಂಗ್ಲ್ಯಾನಾಯ್. 25 ತಸೆಹೊಲ್ಯಾರ್, ಎಗ್ದಾ ಸಾತ್ ಜಾನಾ ಭಾವಾ ಹೊತ್ತಿ. ಥೊರ್‍ಲೊ ಭಾವ್ ಲಗಿನ್ ಹೊಲೊ ಅನಿ ಪೊರಾ ನಸ್ತಾನಾ ಮರ್ಲೊ. ಅಶೆ ತ್ಯಾ ಮರಲ್ಲ್ಯಾಚೊ ಭಾವ್ ತ್ಯಾ ಬಾಯ್ಕೊಮನ್ಸಿಕ್ಡೆ ಲಗಿನ್ ಹೊಲೊ. 26 ದೊನ್ವೆಚ್ಯಾಕ್‍ಬಿ ತಸೆಚ್ ಹೊಲೆ. ತಿನ್ವೆಚ್ಯಾಕ್‍ಬಿ, ಅಶೆ ಸಾತ್ ಭಾವಾಕ್ನಿಬಿ ತಸೆಚ್ ಹೊಲೆ. 27 ತೆಂಚ್ಯಾ ಮಾನಾ ತಿ ಬಾಯ್ಕೊಮನುಸ್‍ಬಿ ಮರ್ಲಿ. 28 ತೆನಿ ಸಾತ್ ಜಾನಾಬಿ ತಿಚೆಕ್ಡೆ ಲಗಿನ್ ಹೊಲ್ಲೆ ನ್ಹಯ್. ತರ್, ಮರಲ್ಲೆ ಝಿತ್ತೆ ಹೊವ್ನ್ ಉಟುನ್ ಯೆತಾನಾ, ತಿ ಬಾಯ್ಕೊಮನುಸ್ ಕೊನಾಚಿ ಬಾಯ್ಕೊ ಹೊತಾ?" ಮನುನ್ ಇಚಾರ್‍ಲ್ಯಾನಿ.

29 ಜೆಜುನ್ ತೆಂಕಾ,"ತುಮಿ ಕವ್ಡೆ ಚುಕ್ ಯವ್ಜುನ್ ಘೆವ್ನ್ ಹಾಸಿ! ಕಶ್ಯಾಕ್ ಮಟ್ಲ್ಯಾರ್ ಪವಿತ್ರ್ ಪುಸ್ತಕಾಚಿ ನಾಹೊಲ್ಯಾರ್ ದೆವಾಚ್ಯಾ ತಾಕ್ತಿಚ್ಯಾ ವಿಶಯಾತ್ ತುಮ್ಕಾ ಕಾಯ್ಬಿ ಗೊತ್ತ್ ನಾ. 30 ಮರ್‍ನಾತ್ನಾ ಝಿತ್ತೆ ಹೊವ್ನ್ ಉಟುನ್ ಯೆಲ್ಲ್ಯಾ ತನ್ನಾ ತೆನಿ ಸರ್‍ಗಾತ್ ದೆವಾಚ್ಯಾ ದುತಾ ಸರ್ಕೆ ಹೊತ್ಯಾತ್, ಅನಿ ಲಗಿನ್ ಕರುನ್ ಘೆಯ್‍ನ್ಯಾತ್. 31 ಮರಲ್ಲೆ ಝಿತ್ತೆ ಹೊತಲ್ಯಾ ವಿಶಯಾತ್ ದೆವಾನ್ ಕಾಯ್ ಮಟ್ಲ್ಯಾನಾಯ್ ಮನುನ್ ತುಮಿ ವಾಚ್ವುಕ್‍ನ್ಯಾತ್ ಕಾಯ್? ದೆವ್ ಮನ್ತಾ, 32 ಮಿಯಾ ಅಬ್ರಾಹಾಮಾಚೊ ದೆವ್, ಇಸಾಕಾಚೊ ದೆವ್, ಅನಿ ಜಾಕೊಬಾಚೊ ದೆವ್. ಅಶೆ ಮಟ್ಲ್ಯಾರ್ ಝಿತ್ತ್ಯಾಂಚೊ ದೆವ್ ತೊ ಮರಲ್ಲ್ಯಾಂಚೊ ನ್ಹಯ್."

33 ಹೆ ಅಯ್ಕಲ್ಲ್ಯಾ ತನ್ನಾ ತೊ ಸಿಕ್ವುತಲೆ ಆಯ್ಕುನ್ ಲೊಕಾ ಲೈ ಅಜಾಪ್ ಹೊಲಿ.