Romanos 14

ಎಕ್ ದುಸ್ರ್ಯಾಚಿ ಝಡ್ತಿ ಕರುನಕಾಶಿ

1 ವಿಶ್ವಾಸಾತ್ ಘಟ್ ನಸಲ್ಲ್ಯಾಕ್ನಿ ತುಮಿ ಸ್ವಾಗತ್ ಕರಾ, ಖರೆ ತೆಂಚ್ಯಾ ಅಬಿಪ್ರಾಯಾಂಚ್ಯಾ ವಿಶಯಾತ್ ತೆಂಚೆಕ್ನಾ ವಾದ್ ಖೆಳುಕ್ ಜಾವ್‍ನಕಾಶಿ. 2 ಉಲ್ಲ್ಯಾ ಲೊಕಾಕ್ನಿ ತೆಂಚೊ ವಿಶ್ವಾಸ್ ತೆನಿ ಕಾಯ್ಬಿ ಖಾಲ್ಯಾರ್ ಹೊತಾ ಮನ್ತಾ, ಖರೆ ಜೊ ಮಾನುಸ್ ವಿಶ್ವಾಸಾತ್ ಘಟ್ ನಾ ತೊ ಖಾಲಿ ತರ್‍ಕಾರಿ ಎವ್ಡೆಚ್ ಖಾತಾ. 3 ಕಾಯ್ಬಿ ಖಾತಲ್ಯಾ ಮಾನ್ಸಾನ್ ತಸೆ ಕಾಯ್ಬಿ ಖಾಯ್‍ನಸಲ್ಲ್ಯಾಚಿ ಪರ್ವಾ ಕರಿನಸ್ತಾನಾ ರ್‍ಹಾವ್ಕ್ ಹೊಯ್ನಾ, ಅನಿ ಜೆ ಕೊನ್ ಖಾಯ್ನಾ ತೆನಿಬಿ ಖಾತಲ್ಯಾಚ್ಯಾ ವಿರೊದ್ ನಿರ್‍ನಯ್ ದಿವ್ಚೆ ನ್ಹಯ್. ಕಶ್ಯಾಕ್ ಮಟ್ಲ್ಯಾರ್ ದೆವಾನ್ ತೆಕಾ ಅಪ್ನಾಚೊ ಕರುನ್ ಘೆಟ್ಲ್ಯಾನಾಯ್. 4 ಅನಿ ಎಕ್ಲ್ಯಾಚ್ಯಾ ಸೆವಕಾಚಿ ನ್ಯಾಯ್ ನಿತ್ ಕರುಕ್ ತಿಯಾ ಕೊನ್? ತೊ ಇಬೆ ರ್‍ಹಾತಾ ಕಾಯ್ ಪಡ್ತಾ ಮನುನ್ ಬಗುನ್ ಘೆವ್ಕ್ ತೆಚೊ ಮಾಲಿಕ್ ಹಾಯ್. ತಿ ಆಳಾ ಜಿಕ್ತಾತುಚ್, ಕಶ್ಯಾಕ್ ಮಟ್ಲ್ಯಾರ್, ತೊ ಜಿಕಿ ಸರ್ಕೆ ಕರುಕ್ ತ್ಯಾ ಮಾಲ್ಕಾಕ್ ಬಳ್ ಹಾಯ್.