Malako 10

Jake mpe Yoane basengi esika ya lokumu

35 Bongo Jake mpe Yoane, bana mibali ya Zebede, bapusanaki pene ya Yesu mpe balobaki na Ye :

— Moteyi, tolingi ete osalela biso likambo oyo tokosenga Yo.

36 Yesu atunaki bango :

— Bolingi ete nasalela bino nini ?

37 Bazongisaki :

— Pesa biso nzela ya kovanda kati na nkembo na Yo : moko na ngambo ya loboko na Yo ya mobali, mpe mosusu, na ngambo ya loboko na Yo ya mwasi.