3 Ayɛyie ha y’Awurade Yesu Kristo Baba, ofikyɛ wafa honhom nu nhyiraa mukoraati bie wahyira yɛ wɔ Kristo nu wɔ anwuro. 4 Ɛhene ati, ɔyele yɛ bokale Kristo so kora yeɛ bɛbɔ wiase, kyɛ yɛyɛ krongron bɔ dɛm ne ngekayɛɛ biala nne yɛ nwo wɔ ye nyunu, ofikyɛ ɔdɔ yɛ. 5 Na ɔyɛle nhyehyɛɛ tole berɛ, kyɛ ɔnate Yesu Kristo so kɔfa yɛ kɔyɛ ye mmaa, ofikyɛ ɛhene yeɛ okuro na ɔsɔ ye nye ɔ, 6 kyɛbɔ ɔkɔyɛ a mmenia kɔkamvo Nyameɛ adom kandinga bɔ ɔnate Ɔwa bɔ ɔdɔ ye naso afa alo yɛ ne. 7 Ɔnate ye mogya naso alɛ́ yɛ, kyire kyɛ yanya bɔne-fakyɛ, kyɛbɔ ye adom pembe ne te ne.
8 Sɔ adom ne yeɛ wamaa wabu yɛ so wɔ nyanza ne ndeaseɛ nu ne, 9 ofikyɛ wamaa yanwu ye apɛdeɛ nwo dwirɛ krongron bɔ wafea ne. Na ɔnate kyɛ ɔsɔ ye nye nati, ye bɔbɔ wabɔ ye ti anu kyɛ, 10 sɛ mmerɛ bɔ wahyɛ ne so a, ɔkɔha nningyein bɔ ɔwɔ anwuro ne bɔ ɔwɔ aseɛ so namukoraati kɔbɔ nu wɔ Kristo nu. 11 Ye yeɛ yɛne ye ayɛ kõ, na wamaa yɛne ye mukoraati ayɛ nnehyeɛ, ofikyɛ bɔ ɔkora yɛ nikye biala bɔ okuro maa bɔ wabɔ ye ti anu ne ba nu ne, ye yeɛ wahyehyɛ wato berɛ ɔ, 12 kyɛbɔ ɔkɔyɛ a yɛ bɔ yɛli moa yɛnyane anidasoɛ wɔ Kristo nu nati, mmenia kɔye Nyameɛ ayɛ, ná bahyɛ ye anuonyam. 13 Na ɛmɔ koso, mmerɛ bɔ ɛmɔtele nahorɛ, bɔ ɔte ngoa bɔ ɛmɔ konya ye nanwo nzɛmba ne, ɛmɔ nyane anidasoɛ wɔ ye nu. Na ɛmɔ nyane ye nu gyidie, ɔnate ye so fale honhom krongron bɔ ɔfa hyɛle yɛ bɔ ne hyɛle ɛmɔ nzorɛ. 14 Sɔ honhom ne di agyapadeɛ bɔ yekonya ye kyẽabie nanwo adanzeɛ, kyɛbɔ ɔkɔyɛ a okole bɛ bɔ bɛte Nyameɛ agyapadeɛ ne,1:14 Anaa "Mmenia." ná wafa ayɛyie ne anuonyam wabrɛ ye.