Eclesiastes 12

Faxɛ makɔrɛ

1 I xa ratu i Daali Marigi ma i xa fonikeya kui,

beenun i nimisa lɔxɔɛ xa fa,

beenun tɔɔrɛ waxati xa i li, i fa a fala,

«Sɛɛwɛ yo mu na n bɛ sɔnɔn.»

2 I xa ratu a ma beenun soge xa dimi,

beenun kike nun tunbuie xa ifɔɔrɔ,

beenun nuxui xa siga tunɛ bira xanbi.

3 Na tɛmui banxi kantɛe sɛrɛnma nɛ,

xɛmɛ ɲalamae e felenma nɛ,

maale dinmae xurunma nɛ,

mixi naxee se igbɛma e luma nɛ dimi kui,