Taalie 31

13 A yɛxɛɛ xabe nun gɛsɛ fute fenma,

a nee rafalama sosee ra.

Na wali rafan a ma.

14 A luma alɔ yulɛ xa kunkui,

a sa baloe fenma yire makuye a fa a ra.

15 A kurunma nɛ alako a xa kuri so a xa denbaya bɛ,

a man wali so a xa walikɛ ginɛe yi ra.

16 A bɔxi matoma nɛ, a fa na sara.

A geeni naxan sɔtɔma a na sarama sansi nan na, a a si.

17 A tunnabɛxi, a walima sɛnbɛ ra.

18 A a kolon a xa wali sɔɔnɛyama nɛ.

A lanpui radɛxɛma nɛ, a wali kɔɛ fan na.

19 A yɛxɛɛ xabe findima nɛ gɛsɛ ra,

a gɛsɛ findima sose ra.

20 A setare kima, a misikiinɛ malima.