Provérbios 4

A baba xa masenyi

1 N ma die, wo wo tuli mati wo baba xa marasi ra,

wo wo ɲɛngi sa na xɔn ma alako wo xa xaxili sɔtɔ,

2 barima n na lɔnni fanyi nan fife wo ma yi ki.

Wo naxa tondi n ma masenyi ra.

3 Di fanyi nan nu n na n baba bɛ.

Di kerenyi nan nu n na n nga bɛ.

4 N baba nu n nasima yi wɔyɛnyi nan na, a naxɛ,

«I xa n ma masenyi ragata i bɔɲɛ kui,

i xa n ma sɛriyɛ suxu alako i xa simaya sɔtɔ.

5 I xa lɔnni fen, xaxili fanyi xa lu i bɛ.

I naxa nɛɛmu n ma masenyi ma,

i naxa nɛɛmu n ma sɛriyɛ ma.

6 I naxa e rabɛɲin, e i makantama nɛ.

N ma sɛriyɛ xa rafan i ma, a i ratangama nɛ.»