Taalie 5

8 I makuya langoe xa kira ra,

i naxa i makɔrɛ a xa banxi naadɛ ra,

9 alako binyɛ naxa ba i ma,

xɛmɛ ya ixaraxi naxa fa i xa duniɲɛigiri kana.

10 Xa na mu a ra mixi gbɛtɛe nan lugama i harige ra,

i xa wali tɔnɛ lu booree bɛ,

11 i i xa simaya raɲɔn tɔɔrɛ kui,

i fate birin ba i ma a ɲaaxi ra.

12 I a falama nɛ kɔrɛ,

«N na marasi xɔn munfe ra?

N bɔɲɛ tondi na sɛriyɛ ra munfe ra?

13 Munfe ra n mu n tuli mati n karamɔxɔɛe ra,

n mu n tuli mati n nasimae ra?

14 N fa na tɔɔrɛ birin dɔnxɔɛ nan kui yi ki ɲama ya xɔri.»