Tunnaxɔnɛ nun langoeɲa
1 N ma di, xa i i yɛtɛ taanixi i boore nde bɛ,
i findixi hamilu ra a bɛ e nun mixi gbɛtɛ tagi,
2 xa i i yɛtɛ raxɛtɛnxi i xa wɔyɛnyi nde ra,
xa i i yɛtɛ xirixi na laayidi mɔɔli ra,
3 n ma di, i xa fe birin naba i yɛtɛ raminide a kui,
xa na mu a ra i luma nɛ i boore sagoe.
Siga, i i felen i boore bɛ, i xa a mayandi.
4 I naxa xi de, na raba keren na.
5 I i yɛtɛ ratanga yi fe mɔɔli ma,
alɔ xeli a yɛtɛ ratangama koyinma bɛlɛxɛ ma ki naxɛ,
alɔ xɔni fan a yɛtɛ ratangama gantanyi ma ki naxɛ.