Yabura 91

Gaaxutareɲa

Ala matɔxɔɛ

1 Naxan luma Ala Xili Xungbe Kanyi xa kantari bun ma,

a a malabuma nɛ Ala xa kantɛ kui.

2 N na a masenma Alatala bɛ,

«I tan nan na n ma kantari nun n makantade ra,

i tan n Marigi Ala, n laxi naxan na.»

3 A tan nan i ratangama gantanyie ma naxee tema i bɛ,

a i ratanga wuganyi ma.

4 A i makantama nɛ

alɔ tɔxɔɛ a xa die makantama ki naxɛ a gabutenyi bun ma.

A xa dugutɛgɛɲa luma nɛ alɔ sɔɔri xa wure lefa.