ဘီဘ်ုပ်တီဇ်ုမ်အူခေါန်
1 ဟွည်ႇဒီန် အခိင်ယေဆု ႎီရ်လီပ်ထဲင် တကျောင်ရဆောန်ဒဲႈတရာ၊ ယိူဝ်ဘီဘ်ုပ်တီဇ်ုမ် အူခေါန် ဂွည်က်ုရ်တောဒီန်။ 2 ဘီပ်ုရ်ဒီဂဲ ဒဲႈဒေဘိူန်ဒေ အတွတာင်အပေတ် တယေဆု၊ ဂဲရဲ့ဒိုည်ႇဒေငိူပ် အ်ုန်ဒီရ်ုရ်ဒဲႈကော အီကူဒီန် ချံမ်ဆာ၊ ကာချံမ်ဆာ တန်ုဆငီဆဒါင်။ 3 ယေဆု ဒါႈတဘီဘ်ုပ်တီဇ်ုမ် အူခေါန်ဒီန်၊ "လာ်ႈဇံင်ပွံတ်မီ တရအာတ်ဘီဂဲတည်။" 4 ဟွည်ႇဒီန် အ်ုန်ဆ်ုရ်မွံတ်ဘီဂဲ၊ "ခိူည်န်ုထုင်တရာအယ် တဆငီဆဒါင်အီုဝ် မှိူမ်ဇောည် က်ုန်ကာမိူဝ်ႈ မှိူမ်ဒဲႈဒုခအဲႈ။ မှိူမ်ပ်ုန်လောတ်ဒဲႈ အဆာႇဘီအူကူအူဆိူဝ် က်ုန်ကာမိူဝ်ႈ မှိူမ်ပျံမ်ပဲတ်အဲႈ။"
ကောည်လိုည် ဂဲဒီန် ညာဂွည်ညိမ်ဒိုည်ႇပွံတ်ဒေ။ 5 အခိင်ယေဆု က်ုရ်ပံတ်ဒေငိူပ်ပွံတ် က်ုရ်ႎျံရ်ဒေ၊ ဘိူည်ဒေါဆလေႈဂံတ်တဂဲ ယာမ်ဒီန်၊ ကောပ်မိူဝ်ႈဂဲဖိူမ်ခေါ အတွဂဲက်ုရ်လူတ် ဖိူမ်အ်ုန်ကာပျော။ အ်ုန်ဒါႈတအီကူဒီန်၊ "ဆာတ်ပွံတ်တီမီ။" အီကူဒီန်မိူဝ်ႈ ဆာတ်ပွံတ်တီဒေ၊ တီအ်ုန်ႎီရ်ညာပွံတ်ခိူည်ပြီမ်။
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)