34 ၈.၃၄ မ ၁၀.၃၈; လု ၁၄.၂၇ အခိင်ဒီန် ယေဆု တောႇပွံတ် တဘဲႇဒေဂဲဂါရ် ဖုင်ဘီက်ုရ်စု၊ အ်ုန်ဒါႈတဂဲ၊ "အဆေမိူဝ်ႈဟွည်ႇ က်ုန်ဆ်ုန်ဇောမ်ရဘံန်အော ဒီဘ်ုပ်ဒေထေင်တိုဒေ၊ ဒီဘ်ုပ်ဒေကွံတ် တီုင်ဒါ်ႈစံပ်တာႇတီဒေ။ ဟွည်ႇဒီန် တဘိူန်ဒေဇောမ်လာ်ႈ ရဘံန်အော။ 35 ၈.၃၅ မ ၁၀.၃၉; လု ၁၇.၃၃; ယော ၁၂.၂၅ကောပ်ဆေတဒါႈခိူည်ဒီန် အီအ်ုန်ဆ်ုန်ပ်ုန်လောတ် အဆာႇဒေအီုဝ်၊ ဒီဘ်ုပ်ချှူမ် အဆာႇဒေ။ ကောည်လိုည် အီအ်ုန်ခါမ် အဆာႇဒေချှူမ် ကောပ်အောဂါရ် ကောပ်ဆဒါင်ကျအောဒီန် ဒီဘိူန်ဒေပ်ုန်လောတ်။ 36 ဘီအီုဝ် ဘိူည်ဘိူန်ဂံတ်ဒေ ဘြောင်ဒိုည်ႇကံမ်ဖာ က်ုန်ချှူမ်အဆာႇႎိငျံန်ဒေ ဆေဒီယိူဝ်အကျိုအဲႈ။ 37 က်ုန်ချှူမ် အဆာႇႎိငျံန်အယ်၊ ဒါခံင်နဲမော ဒီဘဲဒေႎီရ်ရံရ်ႈဒဲႈ အဆာႇအယ်အဲႈ။ 38 ခိင်ခါဝ်ကာပ်ကာကျ ဘီကာနံပ်ဖြာတရာ၊ အဆေမိူဝ်ႈဟွည်ႇ က်ုန်ကဆေ ကောပ်အောဂါရ် ကောပ်ငဲပ်ုန်ဆာင်ဆောန်အော၊ အခိင်ကွံန်ဘီအီုဝ် ဒါအဖုင်တီုင်ဂို ကူန်ဖြာဒေ စွလေႈရူမ် ဇောမ်တမန်ဇ်ုဆပဲဂဲတပ္လေင် အ်ုန်ဒီဘ်ုပ်ဒေကဆေ အတွဂဲ။"
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)