Gênesis 12

Дэвэл акхарэл Аврамо

1 РАЙ пхэнда Аврамости:

— Ачяв пэхкири пхув, пэхкиро форо, пэхкирэн манушэн тай дадэхкиро цэр тай джя дэ пхув, сави Мэ тути сикавава.

2 Мэ терава тутар баро народо

тай бахталисарава тут;

Мэ терава, со тиро лав авэла баро,

тай ту авэґа бахтаґа важ аврэн манушэн.

3 Мэ бахталисарава колэн, ко бахталисарэл тут,

тай прэдава мрая кодылэ, ко дэл мрая тут;

тай пала тут авэна бахталисардэ

всаворэ народуря пэ пхув.