Руфятэ аракхэлпэ чяво
13 Боазо лиля Руфь пэсти ды ромнен. Вонэ сле екхтханэ, тай дыня РАЙ, вой быянда лэсти чявэ.
14 Джювля пхэндэ Нооми:
— Наис РАЕСТИ, саво на ачявда тут би чяворэндиро! Тэ лашарэлпэ вов ды Израили! 15 Вов рисарэла тути джюимо тай подрицарэла тут ды пуранэн бэршэн! Бори тири, сави камэл тут, быянда лэ! Вой важ тути фэдэр, сар ефта чявэн.
16 Нооми пхиравэлас пы вастэн чяворэ, саво быяндапэ, тай дыкхэлас пала лэ. 17 Пашэ джювля дэдумэнас:
— Ноомиятэ быяндапэ чяворо!
Вонэ дыне лэсти лав тай акхардэ лэ Овидо. Када дад Иессеехкоро, саво сля дад Давидохкоро.
18 Акэ родо Давидохкоро, саво джял Парецостар: Парецо сля дад Хецронохкоро, 19 Хецроно сля дад Рамости, Рамо сля дад Аминадавости, 20 Аминадаво сля дад Нахшоности, Нахшоно сля дад Салмоности, 21 Салмоно сля дад Боазости, Боазо сля дад Овидости, 22 Овидо сля дад Иессеести, Иессеи сля дад Давидости.