2 ಕೊರಿಂಥ 11:23-30

23 ತ್ಯುನೆ ಕ್ರಸ್ತನಾ ಸೆವಕೊ ವ್ಹೈ? ತ್ಯುನಾತಿಬಿ ಮಿ ಹೆಚ್ಚ ಸೆವೆ ಕರಾಲೊ ಥಯೊಸ. ಮಿ ಗ್ಯಾನ ನೈಸೊವಾಲಾ ನಿಂಗತ ಬೊಲಾಡೊಸ ಕ್ರಿಸ್ತನಾ ಸೆವಾಮಾ ತ್ಯುನಾತಿಬಿ ಹೆಚ್ಚ ಮ್ಹೈನತ ಕರ‍್ಯೊಸ, ಹೆಚ್ಚ ಜೆಲಮಾ ರ‍್ಹಯೊಸ, ಮಿತಿಮಿರಿನ ಮಾರೊ ಕ್ಹಾದ್ಯೊಸ. ಘನಿಸಲಾ ಮೌತನಾ ಮ್ಹೊಡಾಮಾ ಕ್ಹಾಪಡ್ಯೊಸ. 24 ಪಾಂಚ಼ಸಲಾ ಯಹುದ್ಯೊಕ್ಹು ಮನೆ ಯಕ್ಕ ಕಮ್ಮ ಚಾಳಕ್ಹ ಮಾರೊ ಬೈಟ್ಯಾಸ. 25 ತನ್ನಸಲಾ ಬಾರಕೊಲಕ್ಹು ಮನೆ ಮಾರ‍್ಯಾಸ. ಯಕ್ಕಸಲಾ ಮನಕ್ಹೊ ಮನೆ ಕ್ಹಲಾಸ ಕರಾನೆ ದಗ್ಡಾ ನಾಕ್ಯಾಸ. ತನ್ನಸಲಾ ಮಿ ರ‍್ಹಯಲ ಹಡಗ ತುಟಿ ಗಯು. ಯಕ್ಕರಾತ ಯಕ್ಕಪಾಟ ಸಮಮದರಮಾ ಕಾಟ್ಯೊಸ. 26 ಕ್ರಸ್ತನಿ ಸೆವಾಮಾ ಕೆಕ್ಲಾಕಿ ಕ್ಹಮ್ಮೊ ಘಾಲ್ಯಾಸ. ನದಿಯೊನಾ ಅಪಾಯೊ, ಚ್ವಟ್ಟಾನಾ ಅಪಾಯೊ, ಕ್ಹುದನಾ ಮನಕ್ಹೊ ಅಪಾಯೊ ಅನ್ಯ ಮನಕ್ಹೊಕ್ಹು ಅಪಾಯೊ, ಗಾಮಾ ಅಪಾಯ, ಬಿಜಿ ಜ಼ಗಾಮಾ ಅಪಾಯೊ ಸಮಂದಮಾ ಅಪಾಯೊ, ಸುಳ್ಳ ಭಾಯೊಕ್ಹು ಆಪಾಯೊ, ಮನೆ ಥಯು. 27 ತ್ರಾಸ ಕ್ಹೈನ ರಾಬ್ಯೊಸ, ಕೆಕ್ಲಿಸಲಾ ನಿಮದರ ಹಾಳ ಥೈಸ; ಭುಕ್ಕಕ್ಹು ಪನಿನಾ ತರಕ್ಹಕ್ಹು ವದ್ಯಾಡ್ಯೊಸ; ಕೆಕ್ಲಿಕಿಸಲಾ ಅನ್ನ ವರಿ ವಣ್ಣಾ ನೈಸೊ ಅಲೆದಾಡ್ಯೊಸ; ಥಂಡನಾ ದಿನಮಾ ಕಾಪ್ಯೊಸ. 28 ಹವಾ ಬಿಜಾ ಸಂಗತಿಯೊಮಾ, ಕ್ಹಾರಾ ಸಭೆವೊನಾಹುತಿ ಚಿಂತಾ ದಿನ್ನೆ ದಿನ್ನೆ ಮನೆ ಕದ್ರಾತುತು. 29 ಕುನ್ನತಬಿ ತಾಕತವರ ರ‍್ಹಯಾರೆ ಮಿ ತಿನಾಕ್ಹಾತೆ ತಾಕತವರ ಥೈನ ವ್ಹತ್ತೊ? ಕುನ್ನತಬಿ ತಪ್ಸಿ ಲಿದ್ಯಾಮ ಮಿ ಸಂತಾಪ ಪಡ್ದೆವಾಚಿ ವ್ಹತ್ತೊ? 30 ಮಿ ಹೊಗಳಿಲಿದ್ಯಾಮ ಮಾರಿ ತಾಕತನಾಹುತಿ ಹೊಗಗಳಿಲೆತೊತೊ.