ದಾನಿಯಲ ಸಿಂಯ್ಯಾಡಾನಿ ಗವಿಮಾ
1 ದಾರ್ಯಾವೆಷ ತಿನಿ ರಾಜ್ಯ ಭಾರ ಪುರಾ ಕರಾನಾಹುತಿ ರಾಜ್ಯನಾ ತೆ ತೆ ಭಾಗೊಪರ ಯಕ್ಹೊನೆ ಇಕ್ಹ ಜ಼ನಾ ದೆಶಾದಿಪತಿಯೊನೆ ನೆಮ್ಶೊ. 2 ರಾಜಾ಼ನೆ ನುಕ್ಸಾನ ಥಾಯೆ ನೈಸೊ ತೆ ದೆಶಾದಿಪತಿಯೊನಾ ಉಪ್ಪರ ತ್ಯುನೊಕ್ಹು ಹಿಸಾಬ ಲಿವಾಲಾ ತನ್ನ ಕ್ಹಾಸ ಅದಿಕಾರಿಯೊನೆ ನೆಮ್ಸು ಕೈನ ಇರಾದೊ ಕರಿ ಲಿದ್ಯೊ; ತೆ ಕ್ಹಾರ ಅದಿಕಾರಿಯೊಮಾ ದಾನಿಯಲಬಿ ಯಕ್ಲೊ ವ್ಹೈ. 3 ಎ ದಾನಿಯಲಮಾ ಘನ್ನಿ ಗ್ಯಾನ ರ‍್ಹಯಲಕ್ಹು ತಿನಾ ಉಗ್ರಲ ಬಿಜಾ಼ ಅದಿಕಾರಿಯೊತಿಬಿ ದೆಶಾದಿಪತಿಯೊತಿಬಿ ಘನ್ನೊ ಯೊಗ್ಯ ಮನಕ್ಹ ವ್ಹೈ ಕೈನ ಕವೈ ಲಿದ್ಯೊತೊ; ತಿನೆ ರಾಜೊ಼ ಪುರಾ ರಾಜ್ಯನಾ ಉಪ್ಪರ ನೆಮಕ ಕರಾನೆ ವಿಚಾರ ಕರ‍್ಯೊ.