14 ಕ್ರಿಸ್ತಕ್ಹು ತುಮೊನೆ ಹಮ್ನಾ ಸಮಾದಾನ ಮಳ್ಯುಸ. ಕ್ರಿಸ್ತ ಯಹುದಿಯೊನೆ ಯೆಹುದಿ ನೈಸೊವಾಲಾವೊನೆ ಯಕ್ಕಜ಼ ಜನಾಂಗ ಥೈನ ಕರ‍್ಯೊಸ. ಯಹುದ್ಯೊ ಯಹುದ್ಯೊ ನೈಸೊವಾಲಾ ತ್ಯುನಾ ವಚ್ಮಾ ಯಕ್ಕ ಅಡ್ಡ ಗೊಡಿ ಛೆ ಕೈನ ಬಿಜಾ಼ ಥಯಾತಾ. ತ್ಯುನೆ ಯಕ್ಕನೆ ಯಕ್ಕ ದ್ವೆಶ ಕರ‍್ತಾತಾ. ತೆನೈಸೊ ಕ್ರಿಸ್ತ ತಿನು ಅಂಗಜ಼ ದಿವಾನಾ ಮುಲಕ ದ್ವೆಷ ಕವಾನಿ ಗೊಡಿನೆ ಪಾಡಿ ಪಾಡ್ಯೊ. 15 ಯೆಹುದಿಯೊನು ಧರಮಶಾಸ್ತ್ರ ಘನ್ನಾ ಆಗನ್ಯಾ ನಿಯಮೊ ವ್ಹಂದಲ ಛೆ. ತೆನೈಸೊ ಕ್ರಿಸ್ತ ತೆ ಧರಮಶಾಸ್ತ್ರನೆ ಪುರಾ ಕರ‍್ಯೊ. ಯಹುದಿಯೊನೆ ವರಿ ಯೆಹುದಿ ನೈಸೊವಾಲಾವೊನೆ ತಿನಾಮಾ ಯಕ್ಕಜ಼ ಜನಾಂಗ ಕರಿನ ಶಾಂತಿ ಖಾಯಮ ಕರು ಕವಾನುಜ಼ ಕ್ರಿಸ್ತನು ಉದ್ದೆಶ ವ್ಹತ್ತು.