ಗಲಾತ್ಯ 1

ವಂದನೆ ವರಿ ಕ್ಹುದಾನೆ ಸ್ತೊತ್ರ

6 ದಕ್ಹಾ ದಿನ್ನ ಪಾಚಾ಼ ತಿನಾ ಪಾಚಾ಼ ಆವಾನಾ ಹುತಿ ತುಮೊನೆ ಬಲೈಲವಾಲೊ ಕ್ಹುದಾಜ಼ ವ್ಹೈ. ತೆ ತುಮೊನೆ ಯೆಸು ಕ್ರಿಸ್ತನಾ ಮುಲಕ ಆಯಲ ತಿನಿ ಮರಗಾ ಮುಲಕ ಬಲಾಯೊ. ತೆನೈಸೊ ಹಮ್ನಾ ಮಿ ತುಮಾರಾ ವಿಷಯಮಾ ಘಾಬ್ರೊ ಥಯೊಸ. ತುಮೆ ಹಮ್ನಾ ಮ್ಹೊಡು ಪ್ಹರೈಲಿನ ಬಿಜಿ಼ ಸುವಾರ್ತೆಪರ ಬರೊಕ್ಹೊ ಕರ‍್ಯಾಸ. 7 ಕ್ಹರಿಮಾಜ಼ ಕೌ ಕದ್ಯಾಮ, ಬಿಜು಼ ಕಯುಜ಼ ಕ್ಹರಿನಿ ಸುವಾರ್ತೆ ಕೈಜ಼ ನತ್ತಿ. ತೆನೈಸೊ ದಕ್ಹಾ ಮನಕ್ಹೊ ತುಮೊನೆ ಗಲಿಬಿಲಿ ಕರಾಡಾಸ. ತ್ಯುನೆ ಕ್ರಿಸ್ತನಿ ಸುವಾರ್ತೆ ಬದಲಿಕರು ಕೈನ ದೆಕಾಡ್ಯಾಸ್. 8 ಹಮೆ ತುಮೊನೆ ಕ್ಹರಿನಿ ಸುವಾರ್ತೆ ಕದ್ಯಾಸ. ತಿನಾಹುತಿ ಹಮೆಜ಼ ರ‍್ಹವಾದೆ, ಸ್ವರ್ಗನೊ ಕ್ಹುದಾನಾ ದುತ ರ‍್ಹವಾದೆ ಬಿಜಿ ಸುವಾರ್ತೆ ಕದ್ಯಾಮ ಕ್ಹರಾಪ ಮಳಾದೆ. 9 ಮಿ ತುಮೊನೆ ಎ ಪೈಲಾಜ಼ ಕದ್ಯೊತಬಿ ಹಮ್ನಾ ವರಿ ಕೌಸ. ತುಮೆ ಹಮ್ನಾಜ಼ ಸ್ವಿಕಾರ ಕರಲ ಕ್ಹರಿನಿ ಸುವಾರ್ತೆನಾ ವಿರುದ್ದ ರ‍್ಹಯಲ ಕುಯೊಬಿ ರ‍್ಹಯೊತಬಿ ಕದ್ಯಾಮ ತಿನೆ ಕ್ಹರಾಪ ಮಳಾದೆ.