ಗಲಾತ್ಯ 2

ಪೌಲಾ ವರಿ ಪೆತ್ರಾ

11 ಪೆತ್ರಾ ಅಂತಿಯೊಕ್ಯನೆ ಆಯಲ ಟೈಮ್ಮಾ, ತೆ ತಪ್ಪ ಕರಲವಾಲೊ ವ್ಹೈ ಕೈನ ಕರೆಟ್ಟ ದಿಕ್ಹಲ ಹುತಿ ಮಿ ತಿನೆ ಕ್ಹಾಮೊ ಹುಬ್ರೈನ ತು ಕರಾನು ತಪ್ಪ ವ್ಹೈ ಕೈನ ಕದ್ಯೊ. 12 ಥಯಲ ಸಂಗತಿಯೊ ಸುವೈ ಕದ್ಯಾಮ ; ಪೆತ್ರಾ ಪೈಲಾ ಅಂತಿಯೊಕ್ಯನೆ ಆಯಲ ಟೈಮಾ ತೆ ಯಹುದ್ಯೊ ನೈ ರ‍್ಹಯಲವಾಲಾವೊನೆ ಕ್ಹಾತೆ ಖಾದ್ಯೊ ವರಿ ಮಳಿನ ವ್ಹತ್ತೊ. ತೆ ಥಯಲಪರ ಯಾಕೊಬ

ಮೊಕ್ಲಲ ದಕ್ಹಾ ಯಹುದ್ಯೊ ಆಯಾ. ತೆಳಾಮಾ, ಪೆತ್ರಾ ಯಹುದ್ಯೊ ನೈರ‍್ಹಯಲವಾವೊ ಕ್ಹಾತೆ ಖಾವಾನು ದೆಕಿನ ತಿನೆ ಹುಬ್ರಾಡ್ಯೊ. ಪೆತ್ರಾ ತಿನಾಕ್ಹು ತೆ ಯಹುದ್ಯೊ ನೈ ರ‍್ಹಯಲವಾವೊನಾ ಕಂತೊ ಸರಕ್ಯೊ. ಯಹುದ್ಯೊ ನೈ ರ‍್ಹಯಲವಾಲಾ ಕ್ಹಾರಾ ಮನಕ್ಹೊ ಸುನ್ನಿತಿ ಕರೈಲ್ಯು ಕೈನ ಬರೊಕ್ಹೊ ಕರಲ ಯಹುದಿಯೊನೆ ತೆ ಭುಚ಼ಕ್ಯೊ. 13 ಇಮ್ಮ ಪೆತ್ರಾ ಕಪಟ ದೆಕಾಡ್ಯೊ. ಯಹುದ್ಯೊ ರ‍್ಹಯಲ ವಿಸ್ವಾಶಿಯೊ ಪೆತ್ರಾನೆ ದೆಕಿನ ಸಿಕ್ಯಾ. ಕಪಟತನಾಕ್ಹು ಚಾ಼ಲಿನ ಗಯಾ. ಇವ್ನೆ ಕರಾನು ದೆಕಿನ ಬಾರನಬ ಬಿ ಶಿಕ್ಯೊ. 14 ತೆ ಯಹುದಿಯೊನೆ ಚಾಳಿ ಮಿ ವಳಕ್ಯೊ. ತ್ಯುನೆ ಕ್ಹರಿನಿ ಸುವಾರ್ತೆ ಐಕಿನ ಚಾ಼ಲ್ಯಾವಾಚಿ ದೆಕಿನ ತ್ಯಾ ರ‍್ಹಯಲ ಕ್ಹಾರಾ ಯಹುದಿಯೊನೆ ಐಕು ಡೊಳಾ ದಿಕ್ಹಾವರಕ್ಹಾ ಮಿ ಪೆತ್ರಾನೆ"ತು ಯಹುದ್ಯೊವಾಲೊ ವ್ಹೈ. ತೆನೈಸೊ ತು ಯಹುದ್ಯೊ ರ‍್ಹಯಲ ನಿಂಗತ ನತ್ತಿ. ತು ಯಹುದ್ಯೊ ನೈರ‍್ಹಯಲವಾಲಾವೊ ನಿಂಗತ ಜಿವ್ನಾ ಕರಾಡ್ಯೊಸ. ಇಮ್ಮ ರ‍್ಹಯುಮ ತು ಯಹುದ್ಯೊ ನೈ ರ‍್ಹಯಲಾವೊನಾ ಕ್ಹಾಮೊ ಯಹುದ್ಯೊ ನಿಂಗತ ಜಿವ್ನಾ ಕರತಾ ರ‍್ಹೌ ಕೈನ ಮನಕ್ಹೊನೆ ವತ್ತಾಯ ಕರಾನು ಕಾ? ಕೈನ ಕದ್ಯೊ.