ಯೊಹಾನ 15

ಯೆಸುಜ ಕ್ಹರಿನಿ ದ್ರಾಕ್ಷಿಯೊನು ಬಳ್ಳಿ ವ್ಹೈ

1 ಮಿ ಕ್ಹರಿನು ದ್ರಾಕ್ಷಿಯೊನಿ ಬಳ್ಳಿ ವ್ಹೈ. ವರಿ ಮಾರೊ ಬಾ ಖೆತರವಾಲೊ ವ್ಹೈ. 2 ಮಕನ ರ‍್ಹಯಲ ಫಲ ನೈ ದಿವಾನು ಹರಯಕ್ಕ ಜಡನೆ ತೆ ಕತ್ರಿನ ನಾಕಸ. ಫಲ ದಿವಾನು ಠೊಂಗಿ ಹಜು಼ನ ಹೆಚ್ಕಿ ಫಲಾ ದಿಯೆ ನಿಂಗತ ತಿನೆ ಶುದ್ಧ ಕರಸ. 3 ಮಿ ತುಮೊನೆ ಕದಲ ಉಪದೆಶ ಕ್ಹು ತುಮೆ ಹಮ್ನಾಜ ಶುದ್ಧ ಥಯಾಸ. 4 ತುಮೆ ಮಾರಾಮಾ ಮ್ಹೈ ಥೈನ ರ‍್ಹವೊ, ತೆಳಾಮಾ ಮಿ ತುಮೊಮಾ ಮ್ಹೈ ಥೈನ ರ‍್ಹೌಸ. ಕಯು ಠೊಂಗಿ ತಿನಾಕ್ಹು ತೆ ಫಲ ನೈ ದೆತು. ತೆ ದ್ರಾಕ್ಷಿಯೊನಿ ಬಳ್ಳಿಮಾ ಮ್ಹೈ ಥೈನ ರ‍್ಹೌ. ತೆ ತುಮೊನೆಬಿ ಲಾಗು ಥಾವಸ. ತುಮಾರಾಕ್ಹು ತುಮೆ ಫಲ ನೈ ದೆಸಕ್ತಾ. ತುಮೆ ಮಾರಾಮಾ ಮ್ಹೈ ಥೈನ ರ‍್ಹವೊ. 5 "ಮಿಜ಼ ದ್ರಾಕ್ಷಿಯೊನಿ ಬಳ್ಳಿ ವ್ಹೈ ತುಮೆ ಠೊಂಗಿಯೊ ವ್ಹೈ. ಯಕ್ಲೊ ಮಾರಾಮಾ ಮ್ಹೈ ಥೈನ ರ‍್ಹಯೊಮ ವರಿ ಮಿ ತಿನಾಮಾ ಮ್ಹೈ ಥೈನ ರ‍್ಹಯೊಮ, ತೆಳಾಮಾ ತೆ ಘನ್ನು ಫಲ ದಿವಸ. ತೆನೈಸೊ ತೆ ಮನೆ ಛೊಡಿನ ಸುಜ಼ ನೈ ಕರಸಕ್ತಾ.