ಕ್ಹರಿ ತುಮೊನೆ ಬಿಡುಗಡೆ ಕರಸ
31 ತಿನಾಹುತಿ ಯೆಸು ತಿಪರ ಬರೊಕ್ಹೊ ಮ್ಹೆಲಲ ಯಹುದಿಯೊನೆ"ತುಮೆ ಮಾರಾ ಉಪದೆಶನೆ ವಿಧೆಯ ಥಯಲ ರ‍್ಹವತ್ತೊ, ತುಮೆ ಕ್ಹರಿಬಿ ಮಾರಾ ಪಾಚಾ಼ ಆವಾಲಾ ಥಯಾಸ. 32 ತುಮೆ ಕ್ಹರಿನೆ ತಿಳ್ದಿಲಿವೊಸಿ. ವರಿ "ತೆ ಕ್ಹರಿ ತುಮೊನೆ ಸ್ವತಂತ್ರ ಕರಸ" ಕೈನ ಕದ್ಯೊ.
33 ತೆಳಾಮಾ ತ್ಯುನೆ, ಹಮೆ ಅಬ್ರಹಾಮನಾ ಸಂತತಿವಾಲಾ ವ್ಹೈ. ಹಮೆ ಕೆಳಾಮಾಜ ಕಿನಾ ಗುಲಾಮೊ ನ್ಹೊತಾ. ಇಮ್ಮ ರ‍್ಹಯುತಬಿ"ಹಮೊನೆ ಸ್ವತಂತ್ರ ಥಾವಾಸ ಕೈನ ತು ಕವಾನು ಶಾನೆ? ಕದ್ಯಾ.
34 ಯೆಸು"ಮಿ ತುಮೊನೆ ಕ್ಹರಿಜ ಕೌಸ. ಪಾಪ ಕರಾಲೊ ಹರಿ ಯಕ್ಲೊಬಿ ಪಾಪನೆ ಗುಲಾಮ ಥಯಾಸ. 35 ಗುಲಾಮ ಯಕ್ಕ ಘರಮಾ ಹಮೆಶಾ ರ‍್ಹತೊ ನೈ. ತೆನೈಸೊ ದಿಕ್ರೊ ಕುಟುಂಬಮಾ ಹಮೆಶಾ ರ‍್ಹಯಲವಾಲೊ ವ್ಹೈ. 36 ತಿನಾಹುತಿ ದಿಕ್ರೊ ತುಮೊನೆ ಸ್ವತಂತ್ರ ಕರ‍್ಯೊಮ, ತುಮೆ ಕ್ಹರಿಮಾಜ಼ ಸ್ವತಂತ್ರ ಥಯಾಸ.