ಲುಕ 15

3 ತೆಳಾಮಾ ಯೆಸು ತ್ಯುನೊನೆ ಯಕ್ಕ ಸಾಮ್ಯ ಕದ್ಯೊ. 4 ತುಮೊಮಾನಾ ಯಕ್ಲಾಕನ ಕ್ಹೊ ಬಕ್ರಾ‌ ಛೆ ಕೈನ ತಿಳದಿಲಿಯೆ ತೆ ಕ್ಹೊ ಬಕ್ರಾವೊಮಾನು ಯಕ್ಕ ಬಕ್ರು ಜ಼ವೈ ಗಯುಮ, ತೆ ಮನಕ್ಹ ನವ್ವದಪರ ನೌ ಬಕ್ರಾ ತ್ಯಾಜ಼ ಛೊಡಿನ ಜ಼ವೈಗಯಲ ಯಕ್ಕ ಬಕ್ರಾನೆ ಹುಡ್ಕತೊ ಜಾ಼ವಸ. ತೆ ಬಕ್ರು ಮಳೆ ಲಕ್ಕಾ ತೆ ಹುಡ್ಕತೊಜ಼ ರ‍್ಹವಸ. 5 ತೆ ಮನಕ್ಹನೆ ಜ಼ವೈಗಯಲ ಬಕ್ರು ಮಳ್ತಮಾ ಘನ್ನೊ ಖುಶಿ ಥಾವಸ. ತೆ ಬಕ್ರಾನೆ ಖಾಂದಾಪರ ಉಚೈಲಿನ ತಿನಾ 6 ಘರೆ ಆವಸ ತೆ ತಿನಾ ದೊಸ್ತೊನೆ ವರಿ ಆಜು಼ಬಾಜು಼ವಾಲಾನೆ ಬಲೈನ ಮಾರಾ ಕ್ಹಾತೆ ಖುಶಿ ಕರೊ, ಮಾರು ಜ಼ವೈಗಯಲ ಬಕ್ರು ಮಳ್ಯುಸ ಕವಸ.

7 ತಿನಾ ನಿಂಗತಜ಼, ಯಕ್ಕ ಪಾಪಿ ತಿನು ಮನಸ. ಕ್ಹುದಾ ಬಗಲ ಫರಯೊಮ ಸ್ವರಗಾಮಾ ಘನ್ನಾ ಖುಶಿ ಥಾವಸ ಕೈನ ಮಿ ತುಮೊನೆ ಕೌಸ. ನೌವ್ವದಪರ ನೌ ಮನಕ್ಹೊ ಕ್ಹುದಾಬಗಲ ಫರಲ ವಾಲಾತಿಬಿ ಯಕ್ಕ ಪಾಪಿ ಕ್ಹುದಾ ಬಗಲ ಫರಯೊಮ ತಿನಾ ವಾಸ್ತರ ಘನ್ನಾ ಖುಶಿ ಥಾವಸ.