ಮತ್ತಾಯ 14

15 ಕ್ಹಾಂಜ಼ ಥಾತಾಮಾ ತಿನಾ ಶಿಷ್ಯಾ ತಿಕನ ಐನ ಎ ರಾನ ವ್ಹೈ ಹಮ್ನಾ ಕ್ಹಾಂಜ಼ಬಿ ಥೈಸ ತೆ ಮನಕ್ಹೊನೆ ತ್ಯುನಾ ತ್ಯುನಾ ಗಾಮೊನೆ ಮೊಕಲ ಕಾಕದ್ಯಾಮ ತ್ಯುನೊನೆ ಖಾವಾನೆ ಅನ್ನ ಕರಿಲಿವಾದೆ ಕದ್ಯಾ.

16 ತೆನೈಸೊ ಯೆಸು, ತ್ಯುನೊನೆ ತ್ಯುನೆ ಜಾ಼ವಾನಿ ಜ಼ರುರತ್ತ ನತ್ತಿ. ತುಮೆಜ಼ ತ್ಯುನೊನೆ ಸುಬಿ ಅನ್ನ ಖಾವಾನೆ ದಿವೊ ಕದ್ಯೊ.

17 ತೆಳಾಮಾ ತಿನಾ ಶಿಷ್ಯಾ, "ಅಪೊನೆ ಪಾಂಚ಼ ರೊಕ್ಲ ವರಿ ಬೆ ಮಚ್ಲಿ಼ಯೊ ಛೆ ಕೈನ" ಕತಾಮಾ. 18 ಯೆಸು ತ್ಯುನೊನೆ, "ತೆ ರೊಕ್ಲ ವರಿ ಮಚ್ಲಿ಼ಯೊ ಮಕನ ಲೈನ ದಿವೊ ಕದ್ಯೊ." 19 ತೆಳಾಮಾ ತೆ ಮನಕ್ಹೊನಾ ಗುಂಪನೆ ಚಾ಼ರಾಪರ ಬೈಟೊ ಕೈನ ತೆ ಪಾಂಚ಼ ರೊಕ್ಲಾ ಬೆ ಮಚ್ಲಿಯೊ ಲಿನ ಹಬಾಳನೆ ದೆಕಿನ ಕ್ಹುದಾನೆ ಸ್ತೊತ್ರಾ ಕೈನ ರೊಕ್ಲಾ ಭಾಗಿನ ಶಿಷ್ಯಾವೊಕನ ದಿದ್ಯೊ. ತ್ಯುನೆ ಮನಕ್ಹೊನೆ ವಾಟ್ಯಾ. 20 ಕ್ಹಾರಾ ಮನಕ್ಹೊ ಪೆಟ ಭರಿನ ಖಾದ್ಯಾ ವರಿ ಉಗ್ರಲ ರೊಕ್ಲಾನಾ ತುಕಡಾ ಮಳ್ತಾಮಾ ಬಾರಾ ಟೊಪ್ಲಿಯೊ ಭರಿಯೊ. 21 ಅನ್ನ ಖಾದಲವಾಲಾ ಮನಕ್ಹೊಮಾ ಹೆಣಮನಕ್ಹೊನೆ ವರಿ ಬಚ್ಚಾ಼ವೊನೆ ಛೊಡಿನ ದಾಣ್ಗಾಜ಼ ಪಾಂಚ಼ ಹಜಾ಼ರ ವ್ಹತಾ.