ಕ್ಹುದಾನಿ ರಾಜ್ಯಮಾ ಮ್ಹೊಟು ಕುನ್ನ ವ್ಹೈ?
1 ತೆ ಟೈಮಮಾ ಶಿಷ್ಯಾ ಯೆಸುಕನ ಐನ, ಪರಲೊಕ ರಾಜ್ಯಮಾ ಕುನ್ನ ಮ್ಹೊಟು ವ್ಹೈ? ಕೈನ ಪುಚ್ಯಾ. 2 ಯೆಸು ನ್ಹಾನಾ ಬಚ್ಚಾ಼ನೆ ಕ್ಹಾಮೊ ಬಲೈನ ತ್ಯುನಾ ವಚ್ಮಾ ಹುಬ್ರಾಡಿನ, 3 ತ್ಯುನೊನೆ ತುಮಾರು ಮನಸ್ಸ ಬದಲಾವಣೆ ಥೈನ ನ್ಹಾನಾ ಬಚ್ಚಾ಼ ನಿಂಗತ ನೈ ಥಯುಮ ತುಮೆ ಪರಲೊಕ ರಾಜ್ಯಮಾ ಆತಾ ನೈ ಕೈನ ತುಮೊನೆ ಕ್ಹರಿಜ ಕೌಸ. 4 ಅಮ್ಮ ರ‍್ಹತಾಮಾ ಕುನ್ನ ಆಂ ನ್ಹಾನಾ ಬಚ್ಚಾ಼ ನಿಂಗತ ತಿನೆ ತೆಜ಼ ತಗ್ಗಿಸಿಲಿವಸ ತೆಜ಼ ಪರಲೊಕ ರಾಜ್ಯಮಾ ಮ್ಹೊಟೊ ವ್ಹೈ. 5 ತೆನೈಸೊ ಕುನಬಿ ಮಾರಾ ನಾಮಮಾ ಹವಾ ನ್ಹಾನಾ ಬಚ್ಚಾ಼ನೆ ಮಳೈಲಿವಸತೊ ತೆ ಮನೆಜ಼ ಮಳೈಲಿವಾಲೊ ಥಯೊಸ.
10 ಆಂ ನ್ಹಾನಾವೊಮಾ ಯಕ್ಲೊಬಿ ತಪ್ಪ ಕರೆವಾಚಿ ದೆಕಿಲಿವೊ. ಕಾಕದ್ಯಾಮ ಪರೊಲೊಕಮಾ ರ‍್ಹವಾನಾ ದುತೊ ಮಾರಾ ಸ್ವರ್ಗನಾ ಬಾನಾ ಮ್ಹೊಡಾನೆ ದೆಕ್ತಾ ರ‍್ಹವಸತೊ ಕೈನ ತುಮೊನೆ ಕೌಸ.