ಮತ್ತಾಯ 20

ಯಾಕೊಬ, ಯೊಹಾನನಿ ಮಾವೊನಿ ಬೆಡಿಕೆ

20 ತೆಳಾಮಾ ಜೆಬೆದಾಯನಾ ಬಚ್ಚಾ಼ವೊನಿ ಮಾ ಥಯಲ ಬಚ್ಚಾ಼ವೊನಾ ಕ್ಹಾತೆ ಯೆಸುಕನ ಐನ; ತಿನೆ ಅಡ್ಡ ಪಡಿನ ಯಕ್ಕ ಉಪಕಾರ ಕರ ಕೈನ ಮಾಂಗಿಲಿದಿ. 21 ಯೆಸು ತಿನೆ, ತುನೆ ಸು ಚಾ಼ಯೆ? ಕೈನ ಪುಚ್ತಾಮಾ ತೆ ಯೆಸುನೆ, ತಾರಿ ರಾಜ್ಯಮಾ ಮಾರಾ ಎ ಬೆ ಬಚ್ಚಾ಼ವೊಮಾ ಯಕ್ಲೊ ತಾರಾ ಸಿದಾ ಬಗಲಕನ ವರಿ ಯಕ್ಲೊ ರೊಡ್ಡಾ ಬಗಲ ಬೈಟೆ ನಿಂಗತ ಅನುಗ್ರಹ ಕರ ಕದಿ. 22 ತಿನಾಹುತಿ ಯೆಸು ಉತ್ತರ ದಿನ, ತುಮೆ ಮಾಂಗಿಲಿವಾನು ಸು ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ. ಮಿ ಖಾವಾನು ಕಸ್ಟ ತುಮೊನೆ ಖಾವಾನೆ ಥಾವಸ ಸು? ಕೈನ ಪುಚ್ಯೊ. ತ್ಯುನೆ ಯೆಸುನೆ, ಹಮೊಕ್ಹು ಥಾವಸ ಕದ್ಯಾ.

23 ತೆಳಾಮಾ ಯೆಸು ತ್ಯುನೊನೆ, ಮಿ ಖಾವಾನು ತ್ರಾಸ ತುಮೆಬಿ ಖಾವೊಶಿ. ತೆನೈಸೊ ಮಾರಾ ಆಜು಼ಬಾಜು಼ಮಾ ಬೈಟಾನೆ ಅನುಗ್ರಹ ಕರಾಲೊ ಮಿ ನ್ಹವೈ, ತೆನೈಸೊ ಮಾರಾ ಬಾಕ್ಹು ತೆ ಕಿನಾಹುತಿ ತಯ್ಯಾರ ಕರಾಯಲ ಛೆ ತ್ಯುನೊನೆಜ಼ ಮಳಸ ಕದ್ಯೊ.