9 ಯೆಸು ಜಾ಼ತಾಮಾ, ಮತ್ತಾಯ ಕವಾಲಾ ಮನಕ್ಹನೆ ದೆಕ್ಯೊ. ಮತ್ತಾಯ ಭು ಭಾಡೊ ಲಿವಾನಾ ಕಟ್ಟಾಪರ ಬೆಟ್ಯೊತೊ. ಯೆಸು ತಿನೆ, ಮಾರಾ ಪಾಚೊ಼ ಆ" ಕದ್ಯೊ. ತೆಳಾಮಾ ಮತ್ತಾಯ ಉಟಿನ ಯೆಸುನಾ ಪಾಚೊ಼ ಗಯೊ.
10 ಯೆಸು ಮತ್ತಾಯನಾ ಘರಮಾ ಗೈನ ಖಾವಾನೆ ಬೈಟ್ಯೊ. ಘನ್ನಾ ಮನಕ್ಹೊ ಭು ಭಾಡೊ ಲಿವಾಲಾ ವರಿ ಕೆಟ್ಟ ಮನಕ್ಹೊಬಿ ಯೆಸುನಾ ಕ್ಹಾತೆ ವರಿ ತಿನಾ ಶಿಷ್ಯಾವೊನಾ ಕ್ಹಾತೆ ಖಾವಾನೆ ಬೈಟ್ಯಾ. 11 ಎ ದೆಕಿನ ಪರಿಸಾಯರೊ ಯೆಸುನಾ ಶಿಷ್ಯಾವೊನೆ, ತುಮಾರೊ ಬೊದಕ ಭು ಭಾಡೊ ಲಿವಾಲಾವೊನಾ ಕ್ಹಾತೆ ವರಿ ಕೆಟ್ಟ ಮನಕ್ಹೊನಾ ಕ್ಹಾತೆ ಕಾ ಖಾವಸ?" ಕೈನ ಪುಚ್ಯಾ.
12 ಪರಿಸಾಯರೊ ಕದಲ ಐಕಿನ ಯೆಸು ತ್ಯುನೊನೆ, ಅರಾಮ ರ‍್ಹಯಲ ಮನಕ್ಹೊನೆ ಡಾಕ್ಟರನಿ ಜ಼ರುರತ ನತ್ತಿ. ರೊಗಮಾ ರ‍್ಹಯಲ ಮನಕ್ಹೊನೆ ಡಾಕ್ಟರನಿ ಜರುರತ ಛೆ. 13 ತುಮೆ ಜಾ಼ವೊ, ‘ಮನಿ ಬಲಿ ನಕೊ, ಮರ್ಗಾ ಚಾ಼ಯೆ’ ಕೈನ ಪವಿತ್ರ ಗ್ರಂಥಮಾ ಬರದಲ ವಾಕ್ಯಾನು ಮತಲಬ ಶಿಕ್ಕಿಲಿವೊ. ಮಿ ನಿತಿವಂತವಾಲಾವೊನೆ ಬಲಾವಾನೆ ನತ್ತಿ ಆಯೊ, ಪಾಪಿಯೊನೆ ಬಲಾವಾನೆ ಆಯೊಸ" ಕೈನ ಕದ್ಯೊ.
ಉಪಾಸನಾಹುತಿ ಪ್ರಶ್ನೆ
(ಮಾರ್ಕ 2:18-22; ಲುಕ 5:33-39)