ಯಾಕೊಬ 4

ಮಿ ಕೈನ ಕವೈಲಿವಾನಾಹುತಿ ಹುಶಾರಕಿ

11 ಭಾಯೊ ವರಿ ಭೆನೊ, ಯಕ್ಕನೆ ಯಕ್ಕ ದುಖ ಕರೊ ನಕೊ. ಕುನ್ನತುಬಿ ತಿನಾ ಭೈನೆ ದುಖ ಕರ‍್ಯಾಮ ನೈತೊ ತಿನಾ ಭೈನಾ ವಿಷಯನಾಹುತಿ ತಿರ್ಪ ಕರ‍್ಯೊಮ ತೆ ಧರಮಶಾಸ್ತ್ರನೆ ದುಖ ಕರಿನ ಧರಮಶಾಸ್ತ್ರನಾ ವಿಷಯಮಾ ತಿರ್ಪ ಕರಲ ನಿಂಗತ ಥಾವಸ. ತೆನೈಸೊ ತು ಧರಮಶಾಸ್ತ್ರನಾ ವಿಷಯಮಾ ತಿರ್ಪ ಕರ‍್ಯೊಮ ತು ನ್ಯಾಯಾದಿಪತಿ ವ್ಹೈ ಕೈನ ಕವೈಲೆಶಿ. ತೆನೈಸೊ ತಿನೆ ಚಾ಼ಲಿನ ಜಾ಼ವಾಲೊ ಥಾತೊ ನೈ. 12 ಧರಮಶಾಸ್ತ್ರ ದಿದಲ ನ್ಯಾಯಾದಿಪತಿ ಯಕ್ಕಜ಼ ವ್ಹೈ; ತೆಜ಼ ವಚಾ಼ಡಾನೆಬಿ ವರಿ ನಾಶ ಕರಾನೆಬಿ ತಾಕತವಾಲೊ ವ್ಹೈ. ಇಮ್ಮ ರ‍್ಹತಾಮಾ ತಾರಾ ಬಾಜು಼ನಾ ಮನಕ್ಹನಾ ವಿಷಯಮಾ ತಿರ್ಪ ಕರಾನೆ ತು ಕುನ್ನ ವ್ಹೈ?