4 ವ್ಯಭಿಚಾರಿಯೊ, ಎ ದುನಿಯಾನಿ ದೊಸ್ತಿ ಕ್ಹುದಾನೆ ದುಶ್ಮನ ವ್ಹೈ ಕವಾನು ತುಮೊನೆ ಗ್ವತ್ತ ನತ್ತಿ ಸು? ತಿನಾಹುತಿ ದುನಿಯಾನೆ ದೊಸ್ತ ಥೈನ ರ‍್ಹೌಸ ಕವಾಲೊ ತಿನೆ ಕ್ಹುದಾನೊ ವಿರೊದಿ ಥೈನ ಕರಿಲಿವಸ. 6 ತೆ ಅಪೊನೆ ಘನ್ನಿ ಕೃಪಾ ದಿವಸ. ತಿನಾಹುತಿ, ಕ್ಹುದಾ ಅಹಂಕಾರಿಯೊನೆ ವಿರುದ್ದ ಥಯೊಸ, ದಿನ ರ‍್ಹಯಲವಾಲಾವೊನೆ ಕೃಪಾ ದಿವಸ ಕೈನ ಧರಮಶಾಸ್ತ್ರ ಕವಸ.
7 ಇಮ್ಮ ರ‍್ಹತಾಮಾ ಕ್ಹುದಾನೆ ಅದಿನ ಥೈನ ರ‍್ಹೈನ ಸೈತಾನನೆ ಭುಚ್ಕಾಡೊ, ತೆಳಾಮಾ ತೆ ತುಮೊನೆ ಛೊಡಿನ ನ್ಹಾಟಿ ಜಾ಼ವಸ. 8 ಕ್ಹುದಾನಾ ನಜಿಕ ಆವೊ, ತೆಳಾಮಾ ತೆ ತುಮಾರಾ ನಜಿಕ ಆವಸ. ಪಾಪಿಯೊ, ತುಮಾರಾ ಹತೊ ಶುದ್ದ ಕರಿಲಿವೊ; ಬೆ ಮನಸೊ ರ‍್ಹಯಲವಾಲಾ, ತುಮಾರಾ ಮನಸೊ ಚೊ಼ಕಾ ಕರಿಲಿವೊ.