Aetemwaaen we e Mwaenirh Noa
11 Jesus a soapwei noa nge a iura pwe, "Eyor erhai mwaaen reno riiurhai naiun aetemwaaen. 12 Aetewe egit a aengaeni pwe, ‘Semaei, ngoatto inetiiy me reen minikkomwu oamw.’ Iwe mwaaen we a giniiy minikkewe aan wooar aet riiurhai kkewe naiun. 13 Enoa mwirin fitowu raaen nge aetewe egit a chuwaiuw noa minikkewe aan nge a pwigi senaapian nge a siusaengi miniwe pwugusan. A noa wooan eew faniuw taaw noa, iwe a noa oasonopa noa senaapiy kkewe naiun reen wegitaeg kkewe e aenneew. 20 Iwe a iutae a sefaaen noa reen mwaaen we seman.
"Aetewe e rhiuwen taaw saengi iimw we imwan nge mwaaen we seman a weri; a igin ffaiyeow, iwe a fattapw ngaeni, a roamito aetewe naiun nge a faeisongei. 22 Nge faer mwaaen we seman a faingiir rhooan akkiuneo kkewe naiun, ‘Oaw mwetekkaei! Oawnoa pwigito mengaag na oarosaen mwamwaai oawpwe aememmengaagiu ngaeni. Nge oawwa iseni tae efai ring wooan aiuttiun nge oaw iseni tae nokkaan wooan pirheen. 24 Pwe aetewe naeyi iwe a mae, igina a menaw; e mwaenirh noa nge igina iya weri.’ Iwe ra feeori gupwun we aar.