1 هَلِ ﭑ نْمَ عَدَ مَيٍ نُن مَلٍكّيٍ شُي قَلَدٍ، شَ شَنُنتٍيَ مُ نَ ﭑ بْحّ كُي، ﭑ شُي لُمَ نّ عَلْ ثَانِ نُن تْلْنيِ بْنبْ شُي. 2 هَلِ ﭑ مَسٍنيِ تِ عَلَ شِلِ رَ، ﭑ فُندٌ بِرِن كٌلٌن، ﭑ مَن قٍ تِلِنشِ بِرِن قَهَامُ، شَ شَنُنتٍيَ مُ نَ ﭑ بْحّ كُي، مِشِ قُقَقُ نَن ﭑ نَ. هَلِ ﭑ مَ دَنشَنِيَ فبٌ هَن ﭑ قَ نْ فٍيَ تٌنفٌدٍ عَ تِدٍ، شَ شَنُنتٍيَ مُ نَ ﭑ بْحّ كُي، ﭑ تِدٍ يٌ مُ نَ. 3 هَلِ ﭑ نَن ﭑ هَرِفٍ بِرِن عِتَشُن سٍتَرٍيٍ بَلٌقٍ رَ، هَلِ ﭑ قَشَ تّ شْورَ عَلَ شَ قٍ رَ، شَ شَنُنتٍيَ مُ نَ ﭑ بْحّ كُي، نَ مُ قِندِ مَ فٍينِ يٌ رَ ﭑ بّ.

4 شَنُنتٍيَ عَ نِيَمَ نّ مِشِ شَ قِندِ مِشِ دِحّشِ رَ، عَ قِندِ مِشِ مَلِمَ رَ. عَ مُ مِلَمَ، عَ مُ عَ يّتّ مَتْشْمَ، عَ مُ عَ يّتّ عِفبٌمَ، 5 عَ مُ شُرُتَرٍحَ رَبَمَ، عَ مُ عَ يّتّ شَ فٍينِ قٍنمَ، عَ مُ شْنْمَ. فبّسّنشْننّيَ مُ لُمَ عَ بْحّ كُي، 6 عَ مُ حّلّشِنمَ وُلٍ رَ، عَ حّلّشِنمَ نْندِ نَن نَ. 7 شَنُنتٍيَ نَ نَشَن بّ، عَ دِحّمَ قٍ بِرِن مَ، عَ مُ تّفّ قٍقٍ، عَ عَ شَشِلِ تِمَ قٍ قَنيِ رَ تّمُي بِرِن، عَ تُننَبّشِ قٍ بِرِن مَ.

8 شَنُنتٍيَ مُ حْنمَ عَبَدَن. وْيّنقٍ عَلَ شِلِ رَ عَ حْنمَ نّ، شُي فبّتّيٍ قَلَقٍ دَنمَ نّ، كٌلٌنيِ قَن حْنمَ نّ. 9 وٌن مُ قٍ بِرِن كٌلٌن، وٌن مُ فّمَ نَمِحْنمّ مَسٍنيِ بِرِن قَلَدٍ، 10 كْنْ قٍ كَمَلِشِ نَ عَ لِ، قٍ كَمَلِتَرٍ حْنمَ نّ. 11 ﭑ دِ مّدِ تّمُي، ﭑ مَ وْيّنيِ يٌ، ﭑ مَ مَحْشُنيِ يٌ، ﭑ شَشِلِ يٌ، عَ بِرِن نُ قِندِشِ دِ مّدِحَ نَن نَ. كْنْ ﭑ تٌ مْ، ﭑ بَرَ دِ مّدِ قٍيٍ لُ نَ. 12 تٌ وٌن مُ قٍيٍ عِفبّمَ عَ قَنيِ رَ. عَ لُشِ عَلْ وٌن نَ وٌن يّتّ مَتٌقٍ كِكٍ مَ نَشَن مُ عِفبّمَ عَ قَنيِ رَ. كْنْ وَشَتِ نَ قَقٍ، وٌن قٍيٍ عِفبّمَ نّ عَ قَنيِ رَ، عَ لُمَ نّ عَلْ وٌن نُن نَ قٍيٍ نَ تِ يِرٍ كٍرٍن. تٌ ﭑ مُ قٍ بِرِن كٌلٌن، كْنْ وَشَتِ نَ قَقٍ، ﭑ مَ قَهَامُي قَمَ كَمَلِدٍ، ﭑ قَ قٍ كٌلٌن عَلْ عَلَ ﭑ كٌلٌنشِ كِ نَشّ.

13 قٍ سَشَن نَن بُمَ؛ دَنشَنِيَ، شَشِلِ تِدٍ، نُن شَنُنتٍيَ. كْنْ شَنُنتٍيَ نَن دَنفِ نٍيٍ بِرِن نَ.