41 نَ تّمُي عٍلِيَ نَشَ عَ قَلَ عَكَبُ بّ، «سِفَ عِ شْنيِ. عِ شَ عِ دّفٍ، عِ شَ عِ مِن، بَرِ مَ نَ شُي عِ نَشَن مّشِ يِ كِ نَ قَمَ تُنّ نَن نَ.» 42 عَكَبُ نَشَ تٍ عَ شْنيِ عَ دّفٍدٍ نُن عَ مِندٍ، كْنْ عَننَبِ عٍلِيَ تَن نَشَ تٍ كَرٍ مٍلٍ فٍيَ قَرِ، عَ قَ عَ قٍلٍن بْشِ مَ، عَ يَتَفِ قَ لُ عَ سَنيِيٍ تَفِ. 43 عَ نَشَ عَ قَلَ عَ شَ كٌنيِ بّ، «تٍ يِرٍ عِتٍشِ، عِ شَ بَا مَبِرِ مَتٌ.» كٌنيِ تٌ تٍ نَا، عَ نَشَ بَا مَتٌ، عَ مُ سٍسٍ فبّتّ تٌ. عٍلِيَ نَشَ عَ رَفبِلٍن نَ يِرٍ عِتٍشِ سَنيَ سٌلٌقٍرٍ بَا مَتٌدٍ. 44 عَ سَنيَ سٌلٌقٍرٍ ندٍ، كٌنيِ نَشَ عَ قَلَ، «نُشُي دِ نَن تٍقٍ بَا شُن مَ. عَ نُن بّلّشّ مْندّ لَن.» عٍلِيَ نَشَ عَ قَلَ عَ بّ، «سِفَ، عِ شَ سَ عَ قَلَ عَكَبُ بّ، عَ شَ بَكِ عَ شَ سْورِ رَفِسٍ كُي، عَ شَ فٌرٌ فٍيَ قَرِ مَقُرٍن مَقُرٍن عَلَكٌ عَ نَشَ بِرِ بٌورَ. تُنّ نَ قَقٍ!»
45 نُشُييٍ نَشَ كٌورٍ بِرِن عِقْورْ، قٌيٍ نَشَ كٍلِ، تُنّ بٍلٍبٍلٍ نَشَ سِن بْشِ مَ. عَكَبُ نَشَ تٍ عَ شَ سْورِ رَفِسٍ كُي، عَ سِفَ يِسِرٍيلِ. 46 عَلَتَلَ نَشَ سّنبّ قِ عٍلِيَ مَ، عَ قَ عَ فِ عَ سَنيِ رَ، عَ دَنفِ عَكَبُ يَ رَ هَن يِسِرٍيلِ سٌدٍ دّ رَ.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)