سَمُوٍلِ ١ 19

11 سْلُ نَشَ مِشِيٍ شّي دَوُدَ شْنيِ، عٍ شَ عَ شَ قٍ كٌلٌن، عَلَكٌ عٍ شَ عَ قَشَ فّيسّفّ. كْنْ عَ شَ فِنّ نَشَ عَ قَلَ عَ بّ، «شَ عِ مُ عِ فِ، عٍ عِ قَشَمَ نّ.» 12 عَ شَ فِنّ نَشَ عَ رَفٌرٌ وُندّرِ رَ، عَ نَشَ عَ فِ. عَ رَتَنفَشِ نَ كِ نّ. 13 نَ دَنفِ شَنبِ، مِكَلِ نَشَ وُرِ مَسٌلِشِ سَ دَوُدَ شَ سَدٍ مَ، عَ دُفِ قٍلٍن عَ شُن مَ، عَ سِ كِرِ سَ عَ شُنسَسٍ قَرِ. 14 سْلُ تٌ مِشِيٍ شّي دَوُدَ سُشُدٍ، عَ شَ فِنّ نَشَ عَ قَلَ عٍ بّ، «عَ مُ يَلَنشِ.» 15 سْلُ مَن نَشَ عٍ شّي عَلَكٌ عٍ شَ دَوُدَ فُندِ تٌ. عَ نَشَ عَ قَلَ عٍ بّ، «وٌ شَ قَ عَ رَ عَ شَ سَدٍ مَ.» 16 شّيرَيٍ تٌ قَ، عٍ نَشَ عَ لِ وُرِ مَسٌلِشِ نَن نَ سَدٍ مَ، سِ كِرِ سَشِ شُنسَسٍ قَرِ. 17 سْلُ نَشَ عَ شَ دِ مِكَلِ مَشْرِن، «عِ ﭑ يَنقَشِ يِ كِ مُنقٍ رَ؟ عِ عَ نِيَشِ مُنقٍ رَ ﭑ يَشُي شَ عَ فِ؟» مِكَلِ نَشَ عَ يَابِ، «عَ عَ قَلَ نّ ﭑ بّ، شَ عِ مُ عَ لُ ﭑ شَ سِفَ، ﭑ عِ قَشَمَ نّ.»

18 دَوُدَ عَ فِ نَ كِ نّ، عَ سِفَ سَمُوٍلِ يِرٍ رَ مَ. عَ نَشَ دّنتّفّ سَ عَ بّ سْلُ نَشَن نَبَشِ عَ رَ. نَ دَنفِ شَنبِ، دَوُدَ نُن سَمُوٍلِ نَشَ سِفَ، عٍ سَ لُ نَيٌتِ.