1 Samuel 20

يٌنَتَن نُن دَوُدَ شَ سَاتّ

1 دَوُدَ نَشَ كٍلِ نَمِحْنمّيٍ يِرٍ رَ مَ تَا كُي، عَ سِفَ يٌنَتَن تٌدٍ، عَ سَ عَ مَشْرِن، «ﭑ مُنسٍ رَبَشِ ﭑ شَ هَاكّ سْتْ عِ بَبَ رَ؟ ﭑ مُنسٍ نِيَشِ عَ رَ، عَ وَ مَ ﭑ قَشَقٍ نَشَن مَ؟» 2 يٌنَتَن نَشَ عَ يَابِ، «عَدٍ، ﭑ بَبَ مُ عِ قَشَمَ. عَ مُ سٍسٍ رَبَمَ عَ مُ عَ قَلَ ﭑ بّ، عَ قِندِ قٍ شُرِ رَ، عَ قِندِ قٍ شُنفبٍ رَ. ﭑ بَبَ مُ قٍقٍ نْشُنمَ ﭑ مَ. عَ مُ قٍقٍ رَبَمَ عَ مُ عَ قَلَ ﭑ بّ.» 3 دَوُدَ نَشَ عَ قَلَ عَ بّ، «عِ بَبَ عَ كٌلٌن، عَ ﭑ نَقَن عِ مَ. عَ نَشّ، ‹ﭑ مُ يِ قَلَمَ يٌنَتَن بّ، شَ نَ مُ عَ تْورْ مَ نّ.› كْنْ ﭑ بَرَ ﭑ كَلِ عَلَ رَ، سَن تٌنفٌ كٍرٍن مُ نَ ﭑ تَن نُن قَشّ تَفِ.»

4 يٌنَتَن نَشَ عَ قَلَ دَوُدَ بّ، «عِ نُ وَ نَشَن يٌ شْن، ﭑ نَ نَن نَبَمَ.» 5 دَوُدَ نَشَ عَ يَابِ، «كِكٍ نّينّ سَلِ سّرّشّ نَن تِنَ. عَ لَنمَ نّ ﭑ نُن مَنفّ شَ مُشُ دّفٍ يِرٍ كٍرٍن. عَ لُ ﭑ شَ سِفَ، ﭑ شَ ﭑ نْشُن دَاشَ، هَن عَ شِ سَشَن ندٍ لْشْي نُنمَرٍ. 6 شَ عَ ﭑ مَ قٍ مَشْرِن، عَ قَلَ عَ بّ، ‹دَوُدَ ﭑ مَشَندِ نّ، عَ ﭑ شَ دِحّ عَ مَ، عَ شَ سِفَ عَ شْنيِ بّتّلّيمُ، عَ شَ لَن عَ شَبِلّ مَ نَشَن سّرّشّ بَمَ نَا حّ يٌ حّ.› 7 شَ عَ عِ يَابِ، ‹نَ قَن،› عَوَ، بْحّسَ نَ ﭑ بّ، عِ شَ كٌنيِ. كْنْ شَ عَ شْنْ نَ قٍ مَ، عِ بَرَ عَ كٌلٌن نَتّ نَ عَ يِ، عَ وَ مَ ﭑ تْورْقٍ مَ. 8 عِ شَ ﭑ شُن مَقَلَ نَ كِ نّ، بَرِ مَ وٌن بَرَ سَاتّ شِرِ عَلَتَلَ يَ عِ. شَ عِ هَاكّ نَن ﭑ مَ، عِ يّتّ شَ ﭑ قَشَ، هَلِ عِ مُ ﭑ شَنِن عِ بَبَ يِرٍ.»

9 يٌنَتَن نَشَ عَ كَلِ دَوُدَ بّ، «شَ ﭑ عَ كٌلٌن ﭑ بَبَ وَ مَ عِ قَشَقٍ، ﭑ نَ قَلَمَ نّ عِ بّ.» 10 دَوُدَ نَشَ عَ قَلَ يٌنَتَن بّ، «شَ عِ بَبَ قَ عِ يَابِ عَ شْنّ رَ، ندٍ ﭑ نَكٌلٌنمَ؟» 11 يٌنَتَن نَشَ عَ يَابِ، «وٌن شَ سِفَ بُرُنيِ.» عٍ تٌ مّننِ لِ، 12 يٌنَتَن نَشَ عَ قَلَ دَوُدَ بّ، «ﭑ بَرَ ﭑ كَلِ عِسِرَيِلَ مَرِفِ عَلَتَلَ رَ، تِنَ شَ نَ مُ تِنَ بٌرَ يِ وَشَتِ، ﭑ نَن ﭑ بَبَ مَشْرِنمَ ﭑ شَ عَ كٌلٌن نَشَن نَ عَ بْحّ مَ عِ شَ قٍ رَ. شَ قٍ قَنيِ نَ عَ رَ، ﭑ عِ رَكٌلٌنمَ. 13 كْنْ شَ عَ سَ لِ عَ وَ مَ عِ تْورْقٍ نّ، ﭑ مُ قَ نَ قَلَ عِ بّ، عَلَتَلَ شَ ﭑ يّتّ تْورْ، عَ شَ ندٍ سَ عَ شُن مَ. نَ تّمُي، ﭑ عَ لُمَ نّ عِ شَ سِفَ بْحّسَ كُي، عَلَتَلَ شَ لُ عِ قْشْ رَ، عَلْ عَ نُ نَ ﭑ بَبَ قْشْ رَ كِ نَشّ. 14 عِ شَ هِننّ ﭑ نَ عَلَتَلَ شَ هِننّ رَ ﭑ مَ دُنِحّءِفِرِ بِرِن كُي. ﭑ قَشَ شَنبِ، 15 عِ نَشَ بَ هِننّقٍ ﭑ مَ دٍنبَيَ رَ، هَلِ عَلَتَلَ عِ يَشُي بِرِن بَ نّ يِ دُنِحَ بّندّ قُحِ قَرِ.» 16 يٌنَتَن نَشَ سَاتّ تٌنفٌ دَوُدَ بْنسْي بّ، عَ قَ عَ قَلَ، «عَلَتَلَ شَ دَوُدَ فبٍ حْشْ عَ يَشُييٍ مَ.» 17 يٌنَتَن مَن نَشَ دَوُدَ رَكَلِ عَ شَ شَنُنتٍيَ شَ قٍ رَ، بَرِ مَ يٌنَتَن دَوُدَ شَنُ نّ عَلْ عَ عَ يّتّ شَنُ كِ نَشّ.

18 يٌنَتَن نَشَ عَ قَلَ عَ بّ، «تِنَ نَن نَ كِكٍ نّينّ سَلِ رَ. عٍ نَ عَ تٌ عِ مُ نَ، عٍ قَمَ نّ عِ شَ قٍ مَشْرِندٍ. 19 عَ شِ سَشَن ندٍ، عِ شَ سِفَ عِ سَ عِ نْشُن دّننَشّ عٍسٍلِ فّمّ شَنبِ رَ، يِ قٍ تٌ قْلْ. 20 ﭑ شَلِ سَشَن نَن وٌلِمَ عِ مَبِرِ رَ، عَلْ ﭑ وَ مَ سٍ ندٍ نَن بُنقٍ. 21 نَ تّمُي، ﭑ دِدِ شّيمَ نّ شَلِيٍ قٍندٍ. شَ ﭑ عَ قَلَ عَ بّ، ‹شَلِيٍ نَ عِ سّيتِ مَ،› نَ قِندِ مَ تْنشُمَ نَن نَ عِ بّ عَ عِ نَشَ فَاشُ، بَرِ مَ هّرِ نَن تُن نَ عِ بّ. عَلَ تَنتُ. 22 كْنْ، شَ ﭑ سَ عَ قَلَ دِدِ بّ، ‹شَلِيٍ نَ عِ يَ رَ ثٌن،› نَ قِندِ مَ تْنشُمَ نَن نَ عِ بّ عِ شَ عِ فِ، بَرِ مَ عَلَ نَن عَ نِيَشِ عِ شَ سِفَ. 23 عَلَتَلَ نَن نَ وٌن مَ سَاتّ سٍيدٍ رَ.» 24 دَوُدَ نَشَ عَ نْشُن قْتْنيِ كُي.

كِكٍ نّينّ سَلِ تٌ عَ لِ، مَنفّ سْلُ نَشَ عَ مَفٌرٌ تٍيبِلِ رَ، عَ شَ عَ دّفٍ. 25 عَ نَشَ دْشْ بَنشِ بِلِ كَنكٍ، عَلْ عَ دَرِشِ عَ رَ كِ نَشّ. يٌنَتَن نَشَ دْشْ عَ يَ رَ، عَبٍنٍرِ نَشَ دْشْ عَ قّ مَ. كْنْ دَوُدَ تَن مُ نُ نَ عَ دْشْدٍ. 26 نَ لْشْي سْلُ مُ سٍسٍ قَلَ دَوُدَ شَ قٍ رَ، بَرِ مَ عَ حْشْ عَ مَ عَ مُ قَشِ عَ شَ سّنِيّنتَرٍحَ شَ قٍ نَن مَ. 27 نَ كُيٍ عِبَ، كِكٍ نّينّ سَلِ شِ قِرِن ندٍ، سْلُ تٌ عَ تٌ دَوُدَ مُ قَ، عَ نَشَ يٌنَتَن مَشْرِن، «ﭑ مَ دِ، مُنقٍ رَ يِسَيِ شَ دِ مُ قَشِ عَ دّفٍدٍ شٌرٌ، عَ مُ قَ تٌ؟» 28 يٌنَتَن نَشَ سْلُ يَابِ، «دَوُدَ ﭑ مَيَندِ نّ، ﭑ شَ دِحّ عَ مَ، عَ شَ سِفَ بّتّلّيمُ. 29 عَ نَشَ عَ قَلَ ﭑ بّ، ‹يَندِ، عَ لُ، ﭑ شَ سِفَ لَندٍ ﭑ شَبِلّ شَ سّرّشّ مَ. ﭑ تَارَ بَرَ ﭑ شِلِ. عِ شَ تِن ﭑ شَ سِفَ ﭑ نفَشَكٍرٍنيِيٍ يِرٍ.› نَ نَن عَ رَ، دَوُدَ مُ نَ بٍ تٌ مَنفّ شَ تٍيبِلِ رَ.»

30 نَ تّمُي سْلُ نَشَ شْنْ عَ شَ دِ يٌنَتَن مَ، عَ عَ قَلَ عَ بّ، «فِنّ مَتَندِلَ شَ دِ نَن عِ رَ. عِ حْشْ عَ مَ عَ ﭑ مُ عَ كٌلٌن عَ عِ نَ يِسَيِ شَ دِ نَن بّ؟ عِ شَ يَافِ نَن نَ كِ، عَ نُن عِ نفَ! 31 عِ مُ عَ كٌلٌن عَ قَننِ يِسَيِ شَ دِ نَ دُنِحَ، شَشِلِ سَ يٌ مُ نَ عِ بّ عِ شَ مَنفّيَ شَ قٍ رَ؟ عِ شَ مِشِ ندٍ شّي عَ سُشُدٍ. عَ لَنمَ عَ شَ قَشَ.» 32 يٌنَتَن نَشَ عَ بَبَ سْلُ يَابِ، «مُنقٍ رَ عَ لَنمَ عَ شَ قَشَ؟ عَ مُنسٍ رَبَشِ؟» 33 سْلُ تٌ عَ شَ تَنبّ عِتٍ عَ شَ دِ شِلِ مَ، يٌنَتَن نَشَ عَ كٌلٌن عَ عَ بَبَ نُ وَ مَ دَوُدَ قَشَقٍ نّ. 34 عَ نَشَ كٍلِ عَ شْنْشِ رَ، عَ مُ سٍسٍ دٌن نَ كِكٍ نّينّ سَلِ شِ قِرِن ندٍ. عَ بْحّ نُ رَحَاشُشِ عَ مَ دَوُدَ نُن عَ يّتّ كَن مَ يَافِ شَ قٍ رَ.

35 نَ كُيٍ عِبَ، يٌنَتَن نَشَ سِفَ دَاشَ يِرٍ ندٍ، عَ نُن دَوُدَ نُ لَنشِ نَشَن مَ. عَ نَشَ دِ مّدِ ندٍ قَن شَنِن نَا. 36 عَ نَشَ عَ قَلَ عَ بّ، عَ نَشّ، «ﭑ نَ شَلِ وٌلِ، عِ فِ، عِ سَ قَ عَ رَ.» دِ مّدِ نَشَ عَ فِ قْلْ، يٌنَتَن قَ شَلِ وٌلِ عَ يَ رَ ثٌن. 37 دِ مّدِ تٌ شَلِ يِرٍ لِ، يٌنَتَن نَشَ عَ شُي عِتٍ عَ قَلَقٍ رَ، «شَلِ مَكُيَ مّننِ رَ ثٌن!» 38 عَ مَن نَشَ سْنشْ عَ رَ، عَ نَشّ، «عِ شُلُن، عِ نَشَ تِ دٍ!» يٌنَتَن شَ دِ مّدِ نَشَ شَلِيٍ مَتٌنفٌ، عَ قَ عَ رَ عَ مَرِفِ شْن مَ. 39 عَ مُ نُ سٍسٍ كٌلٌن نَ قٍ كُي، كْنْ دَوُدَ نُن يٌنَتَن تَن نَشَ عٍ بٌورٍ قَهَامُ. 40 يٌنَتَن نَشَ عَ شَ شَلِ نُن عَ شَ تَنبّيٍ سٌ دِ مّدِ يِ رَ، عَ عَ قَلَ عَ بّ، «يِ سٍيٍ شَنِن تَا كُي.» 41 دِ مّدِ تٌ سِفَ، دَوُدَ نَشَ مِنِ كْولَ مَبِرِ، عَ قَ عَ يَتَفِ رَقٍلٍن بْشِ سَنيَ سَشَن. عٍ نَشَ قِلِنقِلِن عٍ بٌورٍ مَ، عٍ قَ وَ، عَ فبٍنفبٍنيِ دَوُدَ. 42 يٌنَتَن نَشَ عَ قَلَ دَوُدَ بّ، «وٌن بَرَ سَاتّ شِرِ. عَلَتَلَ نَ سٍيدٍ رَ وٌن تَن نُن وٌن بْنسْييٍ تَفِ عَبَدَن. يَكْسِ، عِ شَ سِفَ بْحّسَ كُي.»