سَمُوٍلِ ١ 21:10-15 | SUSU

10 سّرّشّدُبّ نَشَ عَ يَابِ، «فٌلِيَتِ قِلِسِتَكَ شَ سَنتِدّفّمَ نَ بٍ، عِ نَشَن قَشَ عٍلَ فُلُنبَ كُي. عَ مَقِلِنشِ دُفِ ندٍ كُي، عَ سَشِ سّرّشّدُبّيٍ شَ دٌنمَ شَنبِ رَ. شَ عِ وَ مَ عَ شْن، عَ تٌنفٌ. فبّتّ مُ نَ بٍ.» دَوُدَ نَشَ عَ قَلَ، «عَ سٌ ﭑ يِ رَ، عَ مَنِيّ يٌ مُ نَ.»

11 نَ لْشْي دَوُدَ نَشَ كٍلِ، عَ عَ فِ سْلُ يَ رَ. عَ نَشَ سِفَ فَتِ مَنفّ عَكِسِ شْنيِ. 12 عَكِسِ شَ مِشِيٍ نَشَ عَ قَلَ عَ بّ، «عِسِرَيِلَ مَنفّ دَوُدَ شَ مُ يِ كِ، نَشَن شَ قٍ قَلَمَ، ‹سْلُ بَرَ مِشِ وُلُ وُلُ قَشَ. دَوُدَ تَن بَرَ مِشِ وُلُ وُلُ دْشْ قُ قَشَ›؟»

13 دَوُدَ تٌ نَ قٍ مّ، عَ نَشَ فَاشُ كِ قَنيِ فَتِ مَنفّ عَكِسِ يَ رَ. 14 نَ كُي عَ نَشَ عَ نِيَ حَمَ شَ عَ مَحْشُن دَشُي رَ. عَ نَشَ دَشُحَ رَبَ عٍ تَفِ، عَ سٍ كٌرِن نَادّ مَ، عَ دّيٍ نُ فٌرٌ عَ دّ شَبٍ مَ. 15 عَكِسِ نَشَ عَ قَلَ عَ شَ مِشِيٍ بّ، عَ نَشّ، «وٌ مُ عَ تٌشِ عَ قِندِشِ دَشُي نَن نَ يِ كِ. وٌ قَشِ يِ شّمّ رَ ﭑ شْن مَ مُنقٍ رَ؟

Em outras traduções

SOSO Soso Kitaabuie: Tawureta, Yabura, Inyila

10 Sɛrɛxɛdubɛ naxa a yaabi, «Goliyati Filisitaka xa santidɛgɛma na be, i naxan faxa Ela gulunba kui. A mafilinxi dugi nde kui, a saxi sɛrɛxɛdubɛe xa donma xanbi ra. Xa i wama a xɔn, a tongo. Gbɛtɛ mu na be.» Dawuda naxa a fala, «A so n yi ra, a maniyɛ yo mu na.»

11 Na lɔxɔɛ Dawuda naxa keli, a a gi Sɔlu ya ra. A naxa siga Gati mangɛ Akisi xɔnyi. 12 Akisi xa mixie naxa a fala a bɛ, «Isirayila mangɛ Dawuda xa mu yi ki, naxan xa fe falama, ‹Sɔlu bara mixi wulu wulu faxa. Dawuda tan bara mixi wulu wulu dɔxɔ fu faxa›?»

13 Dawuda to na fe mɛ, a naxa gaaxu ki fanyi Gati mangɛ Akisi ya ra. 14 Na kui a naxa a niya ɲama xa a maɲɔxun daxui ra. A naxa daxuɲa raba e tagi, a se korin naadɛ ma, a dɛye nu goro a dɛ xabe ma. 15 Akisi naxa a fala a xa mixie bɛ, a naxɛ, «Wo mu a toxi a findixi daxui nan na yi ki. Wo faxi yi xɛmɛ ra n xɔn ma munfe ra?

Direitos das traduções citadas

Em outras traduções

Estes versículos te tocaram? Ore agora!