23 عَلَ شَ مِشِ سُفَندِشِ شَ وَلِكّيٍ نَن عٍ رَ؟ وٌ وٌ هَاكّ تٌ ﭑ بّ دٍ، ﭑ تَن دَنفِ عٍ رَ. ﭑ بَرَ وَلِ دَنفِ عٍ رَ، ﭑ بَرَ سَ فٍيلِ دَنفِقٍ عٍ رَ، ﭑ بَرَ بْنبْي سْتْ دَنفِقٍ عٍ رَ، ﭑ بَرَ مَكْرّ قَشّ دّ رَ دَنفِقٍ عٍ رَ.
24 سَنمَيَ سُولِ يُوِقِيٍ ﭑ بْنبْمَ سّبّرّ يَ تٌنفٌ سَشَن نُن سٌلٌمَنَانِ رَ. 25 سَنمَيَ سَشَن عٍ ﭑ بْنبْمَ فبٍنفبٍتَ رَ. سَنمَيَ كٍرٍن عٍ بَرَ ﭑ مَفْنْ فّمّيٍ رَ. سَنمَيَ سَشَن ﭑ مَ كُنكُي دُلَمَ بَا مَ. سَنمَيَ كٍرٍن ﭑ بَرَ شِ كٍرٍن نُن كْي كٍرٍن نَدَنفِ يٍ شْورَ بَا مَ. 26 ﭑ مَ بِيَاسِ وُيَشِ كُي، ﭑ بَرَ تْورْ شُرٍ عِفِرِقٍ رَ، ﭑ بَرَ تْورْ مُحّتِيٍ شَ قٍ رَ، ﭑ يّتّ كَن بْنسْي مِشِيٍ بَرَ ﭑ تْورْ، كَاقِرِيٍ قَن نُ بَرَ ﭑ تْورْ. ﭑ بَرَ تْورْ تَايٍ، فبٍنفبٍرٍنيِ، نُن بَا مَ. دَنشَنِيَتْي وُلٍ قَلّيٍ قَن بَرَ ﭑ تْورْ. 27 ﭑ بَرَ تْورْ وَلِ شْرْشْييٍ شَ قٍ رَ. سَنمَيَ وُيَشِ ﭑ مُ شِ، ﭑ مُ بَلٌي سْتْ، ﭑ مُ يٍ مِن، ﭑ لُ كَامّ رَ، ﭑ مُ سٌسٍ سْتْ حّمّ رَ. 28 نَشَن سَشِ نَ بِرِن قَرِ، لْشْ يٌ لْشْ ﭑ كْنتْقِلِمَ دَنشَنِيَتْي حَمَيٍ شَ قٍ رَ. 29 سّنبّ نَ بَ مِشِ ندٍ، عَ بَرَ بَ ﭑ قَن نَ. دَنشَنِيَتْي نَ يُنُبِ قٍ رَبَ، عَ ﭑ سٌندٌنيِ تْورْ مَ نّ عَلْ تّ نَ سَ عَ مَ.
30 عِيٌ، شَ عَ لَنمَ ﭑ شَ ﭑ يّتّ مَتْشْ قٍ ندٍ رَ، ﭑ نَن ﭑ يّتّ مَتْشْمَ ﭑ مَ سّنبّتَرٍيَ نَن نَ.