2 Coríntios 6

4 مُشُ بَرَ قٍ بِرِن نَبَ شِلِ قَنيِ سْتْقٍ رَ عَلَ شَ وَلِكّ لَنمَ عَ شَ نَشَن نَبَ. مُشُ بَرَ تُننَبّشِيَ رَبَ حَشَنكَتّ، سٍتَرٍحَ، نُن كْنتْقِلِ كُي. 5 عٍ بَرَ مُشُ بْنبْ، عٍ مُشُ رَ سٌ فٍيلِ كُي، عٍ فَلِ بْحّ رَتٍ مُشُ شِلِ مَ. مُشُ بَرَ وَلِ شْرْشْي رَبَ، مُشُ مُ شِ، مُشُ بَرَ كَامّ. 6 مُشُ بَرَ مُشُ تُننَبّشِ سّنِيّنيِ، قَهَامُي، دِحّ، قٍ قَنيِ، شَشِلِ سّنِيّنشِ، نُن شَنُنتٍيَ قِيشّ كُي. 7 مُشُ مُ بَ نْندِ قَلَقٍ، مُشُ قٍ بِرِن نَبَمَ عَلَ سّنبّ سَابُي نَن نَ. مُشُ بَرَ عَلَ شَ فٍرٍ قَنيِ سُشُ تِنشِنيِ كُي مُشُ بّلّشّ قِرِن نَ. 8 مُشُ وَلِمَ بِنيّ نُن يٍلٍبُي سْتْي نَن كُي. مُشُ بَرَ شِلِ قَنيِ نُن شِلِ كَنّ سْتْ. ندٍيٍ بَرَ مُشُ قِندِ وُلٍ قَلّيٍ رَ، كْنْ مُشُ نْندِ فبَنسَن نَن قَلَمَ. 9 هَلِ عٍ مُشُ كٌلٌن، عٍ قٍ رَبَمَ مُشُ رَ عَلْ عٍ مُ مِشِ نَشَن كٌلٌن. مُشُ مَنِيَمَ مِشِ رَ نَشَن نَ سَيَ كِرَ شْن مَ، كْنْ مُشُ مُ قَشَشِ. مُشُ بَرَ حَشَنكَتَ، كْنْ مُشُ مُ قَشَشِ. 10 سُننُن مِشِيٍ نَن مُشُ رَ، كْنْ سّيوّ نَ مُشُ بْحّ كُي. سٍتَرٍيٍ نَن مُشُ رَ، كْنْ بَننَيَ نَ مُشُ يِ رَ. مِسِكِينّيٍ نَن مُشُ رَ، كْنْ قٍ بِرِن نَ مُشُ يِ رَ.