10 عَ نَشَ ﭑ شَشِلِ شَنِن فٍيَ شُنفبٍ عِتٍشِ مَ. مّننِ عَ نَشَ نَ تَا سّنِيّنشِ مَسٍن ﭑ بّ، نَشَن قِندِشِ نَ دَرِ سَلَمُ رَ، نَشَن نُ بَرَ فٌرٌ كٍلِقٍ كٌورٍ مَ عَلَ سّيتِ مَ. 11 عَلَ شَ نْرّ نُ نَ عَ مَ، عَ نُ يَنبَمَ عَلْ فّمّ تٌقَنيِ نَشَن مَنِيَشِ دِيَمَن نَ. 12 عَ شَ تّتّ نُ عِتٍ، نَادّ قُ نُ قِرِن نُ نَ عَ مَ، مَلٍكّ قُ نُن قِرِن نُ تِشِ نَ نَادّيٍ رَ عٍ مَكَنتَقٍ مَ. عِسِرَيِلَ بْنسْي قُ نُن قِرِن شِلِ نُ سّبّشِ نَ نَادّيٍ مَ. 13 نَادّ سَشَن نُ نَ سٌفٍتٍدٍ مَبِرِ، نَادّ سَشَن نُ نَ كْولَ مَبِرِ، نَادّ سَشَن نُ نَ يِرٍقَنيِ مَبِرِ، نَادّ سَشَن نُ نَ سٌفٍفٌرٌدٍ مَبِرِ. 14 تَا تّتّ نُ تِشِ نَ فّمّ سَقّ قُ نُن قِرِن نَن قَرِ، يّشّييْرّ شَ شّيرَ قُ نُن قِرِن شِلِيٍ نُ سّبّشِ عٍ مَ.