1 «ﭑ نفَشَكٍرٍنيِيٍ، ﭑ بَبَيٍ، وٌ شَ وٌ تُلِ مَتِ ﭑ نَ، ﭑ شَ ﭑ يّتّ كَن شُن مَقَلَ.» 2 عٍ تٌ عَ مّ عَ عٍبُرُ شُي قَلَمَ، عٍ نَشَ دُندُ دَنفِ سِنفٍ رَ. ثْلُ نَشَ عَ قَلَ، 3 «يُوِقِ نَن ﭑ نَ، ﭑ بَرِشِ تَرِ سٍ نّ، سِلِسِ بْشِ مَ، كْنْ ﭑ مْشِ بٍ نّ. فَمَلِيّلِ نَشَ ﭑ شَرَن عَلَكٌ ﭑ شَ بِرَ وٌن بَبَيٍ شَ سّرِيّ قْشْ رَ. عَلَ شَ قٍ نُ ﭑ بْحّ سُشُمَ عَلْ عَ وٌ قَن سُشُمَ كِ نَشّ تٌ. 4 ﭑ مِشِيٍ تْورْ نّ هَن ﭑ نَشَ عٍ قَشَ، نَشٍيٍ نُ بِرَشِ عِسَ شَ كِرَ قْشْ رَ. ﭑ نَشَ فِنّيٍ نُن شّمّيٍ سُشُ، ﭑ نَشَ عٍ سَ فٍيلِ كُي. 5 سّرّشّدُبّ كُنتِفِ نُن دِينّ قٌرِيٍ بِرِن نَ ﭑ سٍيدٍيٍ رَ. عٍ نَشَ كّيدِيٍ سٌ ﭑ يِ رَ كَتَرَبِ عٍ نفَشَكٍرٍنيِيٍ مَ دَ مَسِ عَلَكٌ ﭑ نَ دَنشَنِيَتْييٍ تٌ، ﭑ شَ عٍ شِرِ، ﭑ شَ قَ عٍ رَ دَرِ سَلَمُ، ﭑ شَ عٍ حَشَنكَتَ.»

6 «ﭑ تٌ مَكْرّ دَ مَسِ رَ يَنيِ تَفِ، يَنبّ شُنفبٍ نَشَ فٌرٌ ﭑ مَ كٍلِقٍ كٌورٍ مَ. 7 ﭑ نَشَ بِرَ بْشِ. ﭑ نَشَ شُي مّ نَشَن نُ عَ قَلَمَ ﭑ بّ، ‹سْلُ، سْلُ، مُنقٍ رَ عِ ﭑ حَشَنكَتَمَ؟› 8 ﭑ نَشَ عَ يَابِ، ‹ندٍ عِ رَ، مَرِفِ؟› عَ نَشَ ﭑ يَابِ، ‹عِسَ نَسَرّتِكَ نَن ﭑ نَ، عِ نَشَن حَشَنكَتَقٍ.› 9 نَشٍيٍ نُ نَ ﭑ قْشْ رَ، عٍ نَشَ يَنبّ تٌ، كْنْ نَشَن نُ وْيّنقٍ، عٍ مُ نَ تَن شُي مّ. عَوَ، ﭑ نَشَ عَ قَلَ، 10 ‹ﭑ شَ مُنسٍ رَبَ، مَرِفِ؟› مَرِفِ نَشَ عَ قَلَ ﭑ بّ، ‹كٍلِ، عِ سِفَ دَ مَسِ. مّننِ عَ قَمَ قَلَدٍ عِ بّ عِ لَن عِ شَ نَشَن نَبَ.› 11 ﭑ مُ نُ سٍ تٌمَ نَ يَنبّ شَ نَءِيَلَنيِ سَابُي رَ. نَشٍيٍ نُ نَ ﭑ قْشْ رَ، عٍ نَشَ ﭑ بّلّشّ رَ سُشُ هَن دَ مَسِ.»

12 «عَوَ، شّمّ ندٍ نَشَن شِلِ عَنَنِيَسِ، مِشِ تِنشِنشِ نَ عَ رَ عَلَ شَ سّرِيّ كِ مَ، نَشَن نَقَنشِ دَ مَسِ يُوِقِيٍ مَ، 13 عَ نَشَ قَ ﭑ يِرٍ. عَ نَشَ عَ قَلَ، ‹ﭑ نفَشَكٍرٍنيِ سْلُ، تٌ تِ.› ﭑ يَ نَشَ رَبِ كٍرٍن نَ، ﭑ نَشَ سٍ بِرِن تٌ. 14 عَ نَشَ عَ قَلَ، ‹وٌن بَبَيٍ مَرِفِ عَلَ بَرَ عِ سُفَندِ عِ شَ عَ سَفٌ كٌلٌن، عِ شَ تِنشِنتْي تٌ، نُن عِ شَ عَ وْيّنيِ مّ عَ تَن يَتِ دّ رَ، 15 بَرِ مَ عِ قِندِ مَ عَ شَ سٍيدٍ نَن نَ مِشِ بِرِن يَ عِ، عِ قٍيٍ نَشٍيٍ تٌشِ نُن عِ نَشٍيٍ مّشِ. 16 يَكْسِ، عِ مُنسٍ مَمّقٍ؟ كٍلِ، عِ شَ عِ شُنشَ يٍ شْورَ، عِ شَ يُنُبِ شَ بَ عِ مَ، عِ شَ مَرِفِ شِلِ مَشَندِ.›»

17 «ﭑ نَشَ فبِلٍن دَرِ سَلَمُ. ﭑ تٌ نُ نَ عَلَ مَشَندِقٍ هْرْ مْبَنشِ كُي، ﭑ نَشَ لَامَتُنيِ تٌ. 18 مَرِفِ نَشَ عَ قَلَ ﭑ بّ، ‹عِ شَ مِنِ مَقُرٍن دَرِ سَلَمُ، بَرِ مَ عٍ مُ تِنمَ عِ شَ سٍيدٍيَ رَ ﭑ مَ قٍ رَ.› 19 ﭑ نَشَ عَ قَلَ، ‹مَرِفِ، عٍ يَتِ عَ كٌلٌن عَ ﭑ نُ سِفَمَ سَلِدٍيٍ كُي دَنشَنِيَتْييٍ قٍندٍ عَلَكٌ ﭑ شَ عٍ سَ فٍيلِ، ﭑ مَن شَ عٍ بْنبْ. 20 عٍ تٌ نُ عِ شَ سٍيدٍ عٍتِيّن قَشَمَ، ﭑ تَن يَتِ نُ نَ، ﭑ نُ حّلّشِنشِ نَ رَ. ﭑ تَن نَن مَن نُ بٌورٍيٍ شَ دُفِيٍ سُشُشِ.› 21 عَوَ، مَرِفِ نَشَ عَ قَلَ ﭑ بّ، ‹سِفَ، ﭑ عِ شّيمَ يِرٍ مَكُيٍ سِ فبّتّيٍ مَ.›»

22 عٍ نَشَ عٍ تُلِ مَتِ عَ شَ مَسٍنيِ بِرِن نَ، هَن عَ يِ وْيّنيِ قَلَشِ تّمُي نَشّ. عٍ قَ فبٍلٍفبٍلٍ، «وٌ يِ شّمّ قَشَ. عَ مُ لَن عَ شَ بَلٌ.» 23 عٍ نَشَ سْنشْي رَتٍ، عٍ نُ عٍ شَ دٌنمَيٍ رَتٍ عٍ مَ، عٍ نُ شُبٍ عِتٍ كُيٍ عِ. 24 سْورِ مَنفّ نَشَ عَ قَلَ عَ عٍ شَ ثْلُ رَ سٌ سْورِ بَنشِ كُي، عٍ مَن شَ عَ بْنبْ لُشُسِنيِ رَ عَلَكٌ عٍ شَ عَ كٌلٌن حَمَ سْنشْمَ قٍ نَشَن مَ.

25 عٍ تٌ نُ عَ شِرِقٍ عَلَكٌ عٍ شَ عَ بْنبْ، ثْلُ نَشَ سْورِ مِشِ كّمّ شُنمَتِ مَشْرِن نَشَن نُ تِشِ نَا، «سّرِيّ نَ وٌ يِ رَ نَشَن عَ مَسٍنشِ عَ وٌ شَ رْ مَكَ بْنبْ لُشُسِنيِ رَ هَلِ عَ مُ مَكِيتِشِ؟» 26 سْورِ كّمّ شُنمَتِ تٌ نَ مّ، عَ نَشَ سَ سْورِ مَنفّ رَكٌلٌن. عَ نَشّ، «يِ شّمّ رْ مَكَ لَسِرِ نَ عَ رَ. وٌن نَ مَ دِ؟» 27 سْورِ مَنفّ نَشَ قَ، عَ نَشَ ثْلُ مَشْرِن، «عَ قَلَ ﭑ بّ شَ رْ مَكَ نَ عِ رَ؟» ثْلُ نَشَ عَ يَابِ، «عِيٌ شّ.» 28 سْورِ مَنفّ مَن نَشَ عَ قَلَ، «ﭑ تَن نَاقُلِ فبٍفبٍ نَن بَشِ، ﭑ قَ قِندِ رْ مَكَ لَسِرِ رَ.» ثْلُ نَشَ عَ قَلَ عَ بّ، «ﭑ تَن بَرِشِ لَسِرِيَ نَن كُي نّ.» 29 كَبِ نَ رَبَ، نَشٍيٍ نُ وَ مَ عَ بْنبْقٍ عَلَكٌ عَ شَ وْيّن، عٍ بِرِن نَشَ عٍ مَفبِلٍن. سْورِ مَنفّ يّتّ نَشَ فَاشُ عَ كٌلٌنقٍ رَ ثْلُ رْ مَكَ نَ عَ رَ، عَ نَشَن شِرِ يْلْنشْنيِ رَ.

30 نَ كُيٍ عِبَ، سْورِ مَنفّ تٌ وَ عَ كٌلٌنقٍ عَ قِيشّ رَ يُوِقِيٍ ثْلُ كَلَمُشِ قٍ نَشَن مَ، عَ نَشَ عَ قُلُن. عَ نَشَ يَامَرِ قِ، سّرّشّدُبّ كُنتِفِيٍ نُن يُوِقِ كِيتِسَيٍ بِرِن شَ مَلَن. عَ نَشَ ثْلُ رَفٌرٌ، عَ تِ عٍ تَفِ.