Cânticos 7

فِنّ نُن شّمّ شَ شَنُنتٍيَ

فِنّدِ مّيٍ شَ مَسٍنيِ فِنّ بّ

1 «سُلَمِكَ، عِ شَ فبِلٍن، عِ شَ فبِلٍن،

عَلَكٌ مُشُ شَ عِ مَتٌ.»

شّمّ شَ مَسٍنيِ فِنّيٍ بّ

«مُنقٍ رَ وٌ سُلَمِكَ مَتٌمَ

عَ قَرٍ بٌرٌنقٍ كِ نَشّ حَمَ يَ مَ؟»

شّمّ شَ مَسٍنيِ فِنّ بّ

2 «مَنفّ شَ دِ، عِ سَنيِ تٌقَن سَنكِرِ كُي.

عِ تَفِ بِلِنيِ رَيَبُ عَلْ شُنمَسٍ مِشِ نَشَن يَءِلَنشِ.

3 عِ قُرِ دِفِلِن، عَ رَقٍشِ قٍ قَنيِ رَ،

عِ تَفِ لُشِ عَلْ مّنفِ مَلَنشِ،

عَ رَبِلِنشِ سَنسِ قُفٍ تٌقَنيِيٍ رَ.

4 عِ شِحّ قِرِنيِ لُشِ عَلْ شٍلِ شَ فُلِيٍ.

5 عِ كْنيِ قِلِنشِ،

عَ لُشِ عَلْ يِرٍ مَكَنتَشِ عِتٍشِ،

نَشَن يَءِلَنشِ سِلِ حِنيِ رَ.

عِ يَيٍ لُشِ عَلْ يٍ رَفَتَدٍيٍ شّسِبْن،

بَتِ رَبِمِ نَادّ سّيتِ مَ.

عِ حْي لُشِ عَلْ لِبَن شَ يِرٍ مَكَنتَشِ،

نَشَن يَ رَقِندِشِ دَ مَسِ مَ.

6 عِ شُنيِ لُشِ عَلْ كَرٍ مٍلٍ فٍيَ،

عِ شُنسّشّ لُشِ عَلْ دُفِ فبٍيلِ.

مَنفّ مُ نْمَ عَ يَ بَدٍ نَشَن نَ.

7 ﭑ شَنُنتٍنيِ، عِ تٌقَن،

ﭑ شَنُنتٍنيِ قَنيِ، عِ رَقَن ﭑ مَ.

8 عِ كُيَ عَلْ تُفِ بِلِ،

عِ شِحّ مِسَالِشِ نَشَن بٌفِيٍ رَ.

9 ﭑ بَرَ عَ قَلَ ﭑ يّتّ بّ،

‹ﭑ شَ تٍ نَ تُفِ كْن نَ،

ﭑ شَ نَ بٌفِ سُشُ.›

عِ شِحّ مِسَالِشِ وّنِ بِلِ بٌفِ نَن نَ،

عِ دّ شِرِ حْشُن عَلْ مَنفٌي،

10 عِ دّ رَقَن ﭑ مَ دَنفِقٍ وّنِ رَ.»

فِنّ شَ مَسٍنيِ شّمّ بّ

«عِيٌ، عَ مَنِيَشِ وّنِ نَن نَ،

نَشَن قِندِشِ ﭑ شَنُنتٍنيِ فبٍ رَ،

وٌن قِرِن نَشَن مِنمَ.

11 ﭑ بَرَ قِندِ ﭑ شَنُنتٍنيِ فبٍ رَ،

عَ شْلِ نَ ﭑ تَن نَن مَ.

12 ﭑ شَنُنتٍنيِ، وٌن شَ مِنِ دَاشَ،

وٌن شَ كْي رَدَنفِ تَا شُنشُرِيٍ كُي.

13 وٌن كُرُنمَ نّ سِفَقٍ رَ وّنِ بٌفِ بِلِ مَتٌدٍ،

وٌن شَ عَ تٌ شَ عٍ قُفَشِ،

وٌن شَ عَ مَتٌ شَ مَنفٌي قَن قُفٍ بَرَ مِنِ.

مّننِ ﭑ ﭑ مَ شَنُنتٍيَ مَسٍنمَ نّ عِ بّ.

14 شَنُنتٍيَ حْشُن عَلْ سَنسِ بٌفِ.

ﭑ نَ قٍ قَنيِ قٌرِ نُن عَ نّينّ رَفَتَشِ عِ تَن نَن بّ.»