فِنّ شَ مَسٍنيِ شّمّ بّ

1 «شَ عِ قِندِشِ ﭑ تَارَ شّمّمَ نَن نَ نُ،

ﭑ نفَ شِحّ قِشِ نَشَن مَ،

ﭑ نُ نْمَ عِ مَسُنبُدٍ مِشِ يَ شْرِ ﭑ مُ يَافِمَ نَ رَ.

2 ﭑ نُ نْمَ عِ شَنِندٍ ﭑ نفَ يِرٍ،

عِ شَ قِندِ ﭑ كَرَ مْشْ رَ،

ﭑ قَ وّنِ قَنيِ نُن مَنفٌي يٍ سٌ عِ يِ رَ.»

فِنّ شَ مَسٍنيِ فِنّدِ مّيٍ بّ

3 «ﭑ شُنيِ نَ ﭑ شَنُنتٍنيِ بّلّشّ،

عَ نَ ﭑ مَقُرُكُقٍ عَ يِرٍقَنيِ رَ.

4 دَرِ سَلَمُ فِنّدِ مّيٍ، ﭑ بَرَ وٌ مَيَندِ،

وٌ نَشَ شَنُنتٍيَ رَشُنُ، وٌ نَشَ عَ رَكٍلِ،

بٍينُ عَ وَ مَ عَ شْن مَ تّمُي نَشّ.»

فِنّدِ مّيٍ شَ مَسٍنيِ فِنّ شَ قٍ رَ

5 «ندٍ نَ يِ فِنّ رَ نَشَن كٍلِشِ فبٍنفبٍرٍن يِرٍ،

عَ عَ شَنُنتٍنيِ بّلّشّ سُشُشِ؟»

فِنّ شَ مَسٍنيِ شّمّ بّ

«ﭑ بَرَ عِ رَشُنُ مَنفٌي بِلِ بُن مَ،

عِ نفَ تْورْشِ عِ بَرِدٍ دّننَشّ.

6 ﭑ شَ قِندِ عِ كٍرٍن فبٍ رَ،

عَلْ عِ شَ تْنشُمَ نَشَن فبَكُشِ عِ كْن مَ،

شَ نَ مُ عَ رَ نَشَن نَسٌشِ عِ بّلّشّسٌلٍ رَ،

بَرِ مَ شَنُنتٍيَ سّنبّ فبٌ دَنفِقٍ قَشّ رَ.

ﭑ وَ مَ عِ شْن ﭑ يّتّ بّ،

عَلْ عَلِفِيَمَ وَ مَ مِشِيٍ شْن مَ كِ نَشّ.

شَنُنتٍيَ سّنبّ فبٌ عَلْ تّ،

عَلَتَلَ نَشَن نَدّشّشِ، عَ مُ شُبٍنمَ.

7 بَا يٍ مُ نْمَ شَنُنتٍيَ رَشُبٍندٍ،

شُرٍ يٍ مُ نْمَ عَ بَدٍ.

مِشِ نَشَن وَ مَ عَ هَرِفٍ بِرِن مَسَرَقٍ شَنُنتٍيَ رَ،

مِشِ نَ كَنيِ مَيٍلٍمَ نّ.»

فِنّ تَارَ شّمّمَيٍ شَ مَسٍنيِ

8 «شُنيَ فِنّمَ نَ مُشُ يِ رَ،

عَ مُ مْشِ سِندٍن، عَ شِحّيٍ شُرُن.

مُشُ قَمَ مُنسٍ رَبَدٍ عَ بّ

مِشِ نَ عَ قٍن تّمُي نَشّ؟

9 شَ عَ لُشِ عَلْ تّتّ نَشَن بَلَنشِ،

مُشُ عَ يّنسّمَ نّ فبٍتِ رَ،

كْنْ شَ عَ لُشِ عَلْ نَادّ نَشَن نَبِشِ،

مُشُ عَ بَلَنمَ نّ.»

فِنّ شَ مَسٍنيِ شّمّ بّ

10 «ﭑ تَن لُشِ نّ عَلْ تّتّ نَشَن مُ رَبِمَ،

ﭑ شِحّيٍ قِندِشِ يِرٍ مَكَنتَشِيٍ نَن نَ.

نَ كُي ﭑ بَرَ قِندِ ﭑ شَنُنتٍنيِ شَ بْحّسَ رَ.

11 وّنِ سَنسِ بِلِ يِرٍ نُ نَ سُلٍمَنِ يِ رَ بَلِ هَمٌن.

عَ نَشَ عَ تَشُ عَ شَ وَلِكّيٍ رَ،

نَشٍيٍ نُ لَنمَ عٍ شَ فبٍتِ كْبِرِ كٌلٍ وُلُ قِ نَ شَ قٍ رَ.

12 ﭑ تَن نَن ﭑ مَ وّنِ بِلِيٍ يِرٍ مَكَنتَمَ.

عِ بَرَ فبٍتِ كٌلٍ وُلُ سْتْ،

عِ شَ وَلِكّيٍ بَرَ فبٍتِ كٌلٍ كّمّ قِرِن سْتْ.»

شّمّ شَ مَسٍنيِ فِنّ بّ

13 «عِ تَن نَشَن نَ سَنسِ يِرٍ،

عِ بٌورٍيٍ وَ مَ عِ شُي رَ مّقٍ،

كْنْ ﭑ تَن نَن نَ رَ مّمَ.»

فِنّ شَ مَسٍنيِ شّمّ بّ

14 «ﭑ شَنُنتٍنيِ،

عِ شَ عِ فِ عَلْ شٍلِ،

عِ شَ عِ فِ عَلْ تْوكّ تٍقٍ رَ فٍيَيٍ قَرِ،

سُرَيِ حْشُنمّ نَ دّننَشّ.»