22 فِنّيٍ، وٌ شَ وٌ يّتّ مَفٌرٌ وٌ شَ مْرِيٍ بّ، عَلْ وٌ وٌ يّتّ مَفٌرٌ مَ مَرِفِ بّ كِ نَشّ. 23 شّمّ قِندِشِ عَ شَ فِنّ شُنيِ نَن نَ، عَلْ عَلَ شَ مِشِ سُفَندِشِ قِندِشِ دَنشَنِيَتْي حَمَ شُنيِ رَ كِ نَشّ. دَنشَنِيَتْي حَمَ قَن قِندِشِ عَ قَتٍ نَن نَ، عَ بَرَ نَشَن نَكِسِ. 24 دَنشَنِيَتْي حَمَ عَ يّتّ مَفٌرٌ مَ عَلَ شَ مِشِ سُفَندِشِ بّ كِ نَشّ، فِنّيٍ قَن لَنمَ عٍ شَ عٍ يّتّ مَفٌرٌ عٍ شَ مْرِيٍ بّ نَ كِ نّ قٍ بِرِن كُي.
25 شّمّيٍ، وٌ شَ وٌ شَ فِنّيٍ شَنُ عَلْ عَلَ شَ مِشِ سُفَندِشِ دَنشَنِيَتْي حَمَ شَنُشِ كِ نَشّ. عَ عَ يّتّ قِ دَنشَنِيَتْي حَمَ شَ قٍ رَ 26 عَلَكٌ عَ شَ عَ رَ سّنِيّن، عَ شَ عَ رَقِيشّ يٍ رَ مَسٍنيِ سَابُي رَ، 27 عَ شَ عَ دّنتّفّ عَ يّتّ بّ نْرّ كُي. نَ كُي، دَنشَنِيَتْي حَمَ لُمَ نّ عَلْ دُفِ تٌقَنيِ، شْسِ يٌ مُ نَ نَشَن مَ، نَشَن مُ مَتْرْحْشِ. عَ شَ سّنِيّن، تَنتَنيِ يٌ نَشَ لُ عَ مَ. 28 شّمّيٍ لَنمَ عٍ شَ عٍ شَ فِنّيٍ شَنُ نَ مْولِ نَن نَ. عٍ شَ عٍ شَنُ عَلْ عٍ عٍ يّتّ قَتٍ شَنُشِ كِ نَشّ. نَشَن عَ شَ فِنّ شَنُمَ، عَ عَ يّتّ نَن شَنُشِ. 29 مِشِ يٌ مُ نَ نَشَن عَ يّتّ قَتٍ شْنمَ، بَرِ مَ مِشِ بِرِن عَ يّتّ رَبَلٌمَ، عَ مّينِ عَ يّتّ قَتٍ مَ. عَلَ شَ مِشِ سُفَندِشِ قَن مّينِمَ دَنشَنِيَتْي حَمَ مَ نَ كِ نّ، 30 بَرِ مَ وٌن قِندِشِ عَ قَتٍ سَلٌنيِيٍ نَن نَ. 31 «نَ كُي، شّمّ قَمَ نّ كٍلِدٍ عَ بَبَ نُن عَ نفَ شُن مَ، عَ عَ مَسٌ عَ شَ فِنّ رَ، عٍ قِندِ قَتٍ كٍرٍن نَ.» 32 فُندٌ بٍلٍبٍلٍ نَن نَ كِ، كْنْ ﭑ نَ عَلَ شَ مِشِ سُفَندِشِ نُن دَنشَنِيَتْي حَمَ نَن مَ قٍ قَلَقٍ. 33 كْنْ كَنكَن شَ عَ شَ فِنّ شَنُ عَلْ عَ يّتّ يَتِ. فِنّ قَن لَنمَ عَ شَ عَ شَ مْرِ بِنيَ.
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)