10 عَ دْنشْي رَ، وٌ شَ وٌ سّنبّ سٌ مَرِفِ سَابُي رَ نُن عَ شَ سّنبّ مَفَاشُشِ سَابُي رَ. 11 وٌ شَ عَلَ شَ فٍرٍ سٌسٍ بِرِن تٌنفٌ، عَلَكٌ وٌ شَ نْ تِدٍ عِبُلِسَ شَ كْوتَ بِرِن كَنكٍ. 12 بَرِ مَ وٌن مُ نَ عِبُنَدَ مَ شَ فٍرٍقٍ. مَنفّيٍ، نْلَيٍ، يِ دُنِحَ سّنبّمَ حَاشِيٍ، حِننّ نَشٍيٍ نَ كُيٍ مَ، فٍرٍ نَ وٌن نُن نٍيٍ نَن بِرِن تَفِ. 13 نَ نَن عَ رَ، وٌ شَ عَلَ شَ فٍرٍ سٌسٍ بِرِن تٌنفٌ عَلَكٌ نَ لْشْي كٌبِ نَ عَ لِ، وٌ شَ نْ تِدٍ. نَ فٍرٍ رَحْنيِ شَ وٌ لِ وٌ تِشِ. 14 نَ كُي، وٌ شَ تِ نّ. وٌ وٌ تَفِ عِشِرِ نْندِ رَ. وٌ تِنشِنيِ قِندِ وٌ كَنكٍ مَكَنتَسٍ رَ. 15 وَكِلِقٍ شِبَارُ قَنيِ مَسٍندٍ نَشَن بْحّسَ قِمَ مِشِ مَ، وٌ شَ نَ قِندِ سَنكِرِ رَ وٌ سَنيِيٍ بّ. 16 سَقٍ نَ بِرِن شُن مَ، وٌ شَ دَنشَنِيَ سُشُ وٌ يِ رَ عَلْ وُرٍ لٍقَ. نَ نَن نْمَ سٍنتَنّ شَ تَنبّ رَدّشّشِيٍ رَتِدٍ، عَ عٍ رَشُبٍن. 17 وٌ مَن شَ كِسِ سُشُ نَشَن قِندِشِ وٌ شُن مَكَنتَسٍ رَ. وٌ عَلَ شَشِلِ سّنِيّنشِ شَ سَنتِدّفّمَ قَن سُشُ نَشَن قِندِشِ عَلَ شَ مَسٍنيِ رَ.