11 نَ تّمُي، مَرِفِ شَ مَلٍكّ ندٍ نَشَ مِنِ سَكَرِ مَ سُرَيِ سّرّشّبَدٍ يِرٍقَنيِ مَ. 12 نَ نَشَ سَكَرِ تّرّننَ، عَ نَشَ عَ فَاشُ كِ قَنيِ. 13 كْنْ مَلٍكّ نَشَ عَ مَسٍن عَ بّ، «سَكَرِ، عِ نَشَ فَاشُ، بَرِ مَ عَلَ بَرَ عِ شَ دُبَ سُشُ. عِ شَ فِنّ عٍلِسَبّتِ قَمَ دِ شّمّ سْتْدٍ عِ بّ. عِ شَ عَ شِلِ سَ يَيَ. 14 نَ قِندِ مَ سّيوّ نُن حّلّشِنيِ نَن نَ عِ بّ، مِشِ فبٍفبٍ قَن حّلّشِنمَ نّ عَ بَرِقٍ رَ، 15 بَرِ مَ عَ بِنيّ سْتْمَ نّ عَلَ يَ عِ. عَ مُ وّنِ نُن سٍسٍ فبّتّ مِنمَ نَشَن مِشِ سِيسِمَ. عَلَ شَشِلِ سّنِيّنشِ لُمَ نّ عَ مَ كَبِ عَ نَ عَ نفَ تّيفّ تّمُي نَشّ. 16 عَ عِسِرَيِلَ دِ فبٍفبٍ رَفبِلٍنمَ نّ عٍ مَرِفِ عَلَ مَ. 17 سّنبّ نُن عَلَ شَشِلِ سّنِيّنشِ قِمَ نّ عَ مَ عَلْ عَ قِ عَننَبِ عٍلِيَ مَ كِ نَشّ. مَرِفِ عَ شّيمَ نّ عَ يَ رَ، عَ شَ بَبَيٍ بْحّ رَقِندِ عٍ شَ دِيٍ مَ، عَ يُنُبِتْييٍ يَ رَقِندِ تِنشِنتْييٍ شَ قَهَامُي مَ. عَ سِفَمَ نّ حَمَ شْن مَ مَرِفِ يَ رَ عَلَكٌ عَ شَ عٍ يَ رَقِندِ عَ مَ.»
/images/a/a0208299-6f37-40a0-66e1-2576b9435f00)
/images/a/Tcg2NiV7ce24OT6kCIQGR)