20 عَ نَشَ كٍلِ، عَ سِفَ عَ بَبَ شْن.»
«بٍينُن عَ شَ نَا لِ، عَ بَبَ نَشَ سَ عَ تٌ قَ رَ، عَ مَكُيَشِ عَ رَ سِندٍن. عَ بَبَ نَشَ كِنِكِنِ كِ قَنيِ. عَ نَشَ عَ فِ، عَ سَ عَ شَ دِ رَلَن، عَ عَ مَسُنبُ. 21 دِ نَشَ عَ قَلَ عَ بّ، ‹ﭑ بَبَ، ﭑ بَرَ يُنُبِ سْتْ عَلَ رَ، ﭑ بَرَ هَاكّ سْتْ عِ قَن نَ. عَ مُ دَشَ سْنْن ﭑ شَ قِندِ عِ شَ دِ رَ.›»
22 «كْنْ عَ بَبَ نَشَ عَ قَلَ عَ شَ كٌنيِيٍ بّ، ‹وٌ وٌ شُلُن، وٌ قَ فُبَ قَنيِ رَ، وٌ عَ رَفٌرٌ عَ مَ. وٌ بّلّشّرَ سٌي سٌ عَ بّلّشّ رَ، وٌ سَنكِرِ سٌ عَ سَنيِ. 23 وٌ قَ نِنفٍ تُرَشِ رَ، وٌ عَ قَشَ. وٌن شَ وٌن دّفٍ، وٌن شَ شُلُنيِ تِ، 24 بَرِ مَ ﭑ مَ يِ دِ نُ بَرَ لُ عَلْ عَ نُ قَشَشِ نّ، كْنْ عَ نِي مَن بَرَ فبِلٍن عَ عِ. عَ نُ بَرَ لْي، كْنْ عَ مَن بَرَ تٌ.› نَ كُي، عٍ نَشَ شُلُنيِ تِ قْلْ.»
28 دِ سِنفٍ نَشَ شْنْ، عَ تٌندِ سٌدٍ بَنشِ. عَ بَبَ نَشَ مِنِ، عَ سٌ عَ مَيَندِقٍ، 29 كْنْ عَ شَ دِ نَشَ عَ قَلَ عَ بّ، ‹عَ مَتٌ، كَبِ حّ وُيَشِ ﭑ تَن وَلِمَ عِ بّ عَلْ عِ شَ كٌنيِ، ﭑ مُ عِ شَ يَامَرِ مَتَندِ هَلِ كٍرٍن. كْنْ نَ بِرِن كُي، هَلِ سِ لَنمَ، عِ مُ نُ عَ قِ ﭑ مَ، مُشُ نُن ﭑ بٌورٍيٍ شَ شُلُن دِ تِ. 30 كْنْ عِ شَ دِ تَن تٌ قَشِ، نَشَن عِ هَرِفٍ بِرِن مَكَنَشِ عٍ نُن لَنفٌي فِنّيٍ رَ، عِ نِنفٍ تُرَشِ نَن قَشَشِ عَ تَن بّ!›»
31 «عَ بَبَ نَشَ عَ قَلَ عَ بّ، ‹ﭑ مَ دِ، عِ تَن نَ ﭑ قّ مَ تّمُي بِرِن. سٍ نَشَن بِرِن نَ ﭑ يِ، عِ تَن نَن فبٍ عَ رَ. 32 كْنْ عَ لَن نّ وٌن شَ سّيوَ، وٌن شُلُنيِ تِ، بَرِ مَ عِ شُنيَ نُ بَرَ لُ عَلْ عَ نُ قَشَشِ نّ، كْنْ عَ نِي مَن بَرَ فبِلٍن عَ عِ. عَ نُ لْيشِ نّ، كْنْ عَ مَن بَرَ تٌ.›»