عِسَ قْشِرَبِرّ سِنفٍيٍ
1 عِسَ نُ نَ فٍنٍسَرٍتِ بَا دّ رَ. حَمَ قَن نُ عٍ بٌرٍ شّتّنمَ عَلَكٌ عٍ شَ عَ شُي مّ عَلَ شَ مَسٍنيِ كَوَندِدٍ. 2 عِسَ نَشَ كُنكُي قِرِن تٌ بَا دّ رَ. يّشّسُشُييٍ نُ بَرَ فٌرٌ عٍ كُي، عٍ نُ عٍ شَ يّلّيٍ رَشَقٍ. 3 عِسَ نَشَ بَكِ سِمْن شَ كُنكُي كُي، عَ عَ مَشْرِن عَ شَ كُنكُي ندٍدِ مَمِنِ شَرٍ دّ رَ. نَ شَنبِ، عِسَ نَشَ دْشْ كُنكُي كُي، عَ سٌ حَمَ كَوَندِقٍ.
4 عِسَ تٌ فّ مَسٍنيِ تِدٍ، عَ نَشَ عَ قَلَ سِمْن بّ، «وٌن شّي دُلَ مَ. وٌ يّلّ سَ نَا، وٌ شَ سَ يّشّ سُشُ.» 5 سِمْن نَشَ عَ يَابِ، «كَرَ مْشْ، مُشُ كْي بِرِن نَن نَدَنفِشِ يَكٌتٌمْي نَن نَ، مُشُ مُ سٍسٍ سُشُ. كْنْ عِ تَن نَن تٌ عَ قَلَشِ، ﭑ مَن سَ يّلّ سَمَ.»
6 عٍ تٌ نَ رَبَ، عٍ نَشَ يّشّ فبٍفبٍ سُشُ يّلّ كُي، يّلّ نَشَ بْو قْلْ. 7 عٍ نَشَ عٍ بّلّشّ مَفِرَ بٌورٍيٍ بّ نَشٍيٍ نُ نَ كُنكُي بٌورٍ كُي، عٍ شَ قَ عٍ مَلِ. عٍ تٌ قَ، عٍ نَشَ نَ كُنكُي قِرِنيِيٍ رَقٍ يّشّ رَ هَن عٍ قِرِن بِرِن نَشَ وَ دُلَقٍ.
8 سِمْن ثِيّرِ تٌ نَ قٍ تٌ، عَ نَشَ بِرَ عِسَ بُن مَ، عَ عَ قَلَ، «مَرِفِ، عِ شَ عِ مَكُيَ ﭑ نَ، بَرِ مَ يُنُبِتْي نَن ﭑ نَ!» 9 عَ نَ قَلَ نّ بَرِ مَ عَ تَن نُن عَ بٌورٍ بِرِن نُ بَرَ فّ كَابَدٍ نَ يّشّ سُشُقٍ رَ، 10 سِمْن وَلِبٌورٍيٍ، سٍبٍدٍ شَ دِ قِرِنيِيٍ يَكِ نُن يَيَ، عٍ قَن نُ بَرَ كَابَ. نَ كُي، عِسَ نَشَ عَ قَلَ سِمْن بّ، «عِ نَشَ فَاشُ. عِ دَرِشِ يّشّ نَن سُشُ رَ، كْنْ كٍلِ يِ وَشَتِ مَ، عِ قَمَ مِشِيٍ نَن سْتْدٍ ﭑ بّ.» 11 عٍ تٌ كُنكُي رَتٍ شَرٍ مَ، عٍ نَشَ سٍ بِرِن لُ نَا، عٍ بِرَ عِسَ قْشْ رَ.
/images/a/Tcg2NiV7ce24OT6kCIQGR)
/images/a/a0208299-6f37-40a0-66e1-2576b9435f00)