لٍوِ سّرّشّدُبّ 16:2,12-15,34 | SUSU

2 «عَ قَلَ عِ تَارَ هَرُنَ بّ، عَ نَ سٌ هْرْ مْلِنفِرَ كُي، عَ نَشَ لُ دَنفِ رَ دُفِ فبَكُشِ رَ شَ عَ دَنفِ تّمُي مُ عَ لِشِ، عَلَكٌ عَ نَشَ قَشَ. يِرٍ سّنِيّنشِ نَ عَ رَ سَاتّ كَنكِرَ نَ دّننَشّ. شُنسَرَدٍ نَ نَ سَاتّ كَنكِرَ نَن قَرِ، ﭑ مِنِمَ نُشُي كُي دّننَشّ.»

12 عَ شَ سُرَيِ فَنسٍ رَقٍ تّ وٌلٍ رَ نَشَن تٌنفٌشِ سّرّشّبَدٍ قَرِ ﭑ تَن عَلَتَلَ يَ عِ. عَ شَ سُرَيِ قُحِ بّلّشّ يَ قِرِن قَن تٌنفٌ. عَ شَ نَ بِرِن شَنِن دُفِ فبَكُشِ شَنبِ رَ يِرٍ سّنِيّنشِ كُي. 13 عَ شَ نَ سُرَيِ فَن ﭑ تَن عَلَتَلَ يَ عِ، عَلَكٌ تُورِ نَشَن تٍمَ نَ شَ سَاتّ كَنكِرَ نْشُن عَ مَ عَلَكٌ عَ نَشَ قَشَ. 14 عَ شَ تُورَ وُلِ ندٍ تٌنفٌ عَ بّلّشّسٌلٍ رَ، عَ شَ عَ كَسَن سَاتّ كَنكِرَ مَكٌتٌ سٍ مَ شُنسَرَدٍ سٌفٍتٍدٍ بِرِ سَنمَيَ سٌلٌقٍرٍ، عَ مَن شَ عَ كَسَن نَ مَكٌتٌ سٍ يَ رَ. 15 عَ شَ سِكْتّ كْن نَشَبَ حَمَ شَ يُنُبِ شَقَرِ سّرّشّ رَ، عَ قَ عَ وُلِ شَنِن دُفِ فبَكُشِ شَنبِ رَ. عَ شَ نَ وُلِ كَسَن سَاتّ كَنكِرَ مَكٌتٌ سٍ مَ نُن سَاتّ كَنكِرَ مَكٌتٌ سٍ يَ رَ، عَلْ عَ رَبَشِ تُورَ وُلِ رَ كِ نَشّ.»

34 يِ سّرِيّ مُ كَنَمَ عَبَدَن، عَلَكٌ حّ بِرِن شُنسَرٍ شَ بَ عِسِرَيِلَكَيٍ بّ عٍ شَ يُنُبِ بِرِن مَ قٍ رَ.»

عٍ عَلَتَلَ شَ يَامَرِ بِرِن سُشُ عَلْ عَ مَسٍنشِ عَننَبِ مُنسَ بّ كِ نَشّ.

Em outras traduções

SOSO Soso Kitaabuie: Tawureta, Yabura, Inyila

2 «A fala i taara Haruna bɛ, a na so hɔrɔmɔlingira kui, a naxa lu dangi ra dugi gbakuxi ra xa a dangi tɛmui mu a lixi, alako a naxa faxa. Yire sɛniyɛnxi na a ra saatɛ kankira na dɛnnaxɛ. Xunsarade na na saatɛ kankira nan fari, n minima nuxui kui dɛnnaxɛ.»

12 A xa surayi ganse rafe tɛ wole ra naxan tongoxi sɛrɛxɛbade fari n tan Alatala ya i. A xa surayi fuɲi bɛlɛxɛ ya firin fan tongo. A xa na birin xanin dugi gbakuxi xanbi ra yire sɛniyɛnxi kui. 13 A xa na surayi gan n tan Alatala ya i, alako tuuri naxan tema na xa saatɛ kankira nɔxun a ma alako a naxa faxa. 14 A xa tuura wuli nde tongo a bɛlɛxɛsole ra, a xa a kasan saatɛ kankira makoto se ma xunsarade sogetede biri sanmaya solofere, a man xa a kasan na makoto se ya ra. 15 A xa sikɔtɛ kɔn naxaba ɲama xa yunubi xafari sɛrɛxɛ ra, a fa a wuli xanin dugi gbakuxi xanbi ra. A xa na wuli kasan saatɛ kankira makoto se ma nun saatɛ kankira makoto se ya ra, alɔ a rabaxi tuura wuli ra ki naxɛ.»

34 Yi sɛriyɛ mu kanama abadan, alako ɲɛ birin xunsare xa ba Isirayilakae bɛ e xa yunubi birin ma fe ra.»

E Alatala xa yaamari birin suxu alɔ a masenxi Annabi Munsa bɛ ki naxɛ.

Direitos das traduções citadas

Em outras traduções

Estes versículos te tocaram? Ore agora!