مَرَكِ 10:17-22 | SUSU

17 عِسَ تٌ نُ بَرَ كِرَ سُشُ، شّمّ ندٍ نَشَ قَ عَ فِ رَ عَ قْشْ رَ، عَ عَ شِنبِ سِن عَ بُن مَ. عَ نَشَ عِسَ مَشْرِن، «كَرَ مْشْ قَنيِ، عَ لَن ﭑ شَ مُنسٍ رَبَ عَلَكٌ ﭑ شَ عَبَدَن كِسِ سْتْ كّ رَ؟» 18 عِسَ نَشَ عَ مَسٍن عَ بّ، «مُنقٍ رَ عِ ﭑ شِلِمَ كَرَ مْشْ قَنيِ؟ مِشِ يٌ مُ قَن. عَلَ كٍرٍن ثٍتِ نَن قَن. 19 عِ سّرِيّ كٌلٌن؛ ‹عِ نَشَ قَشّ تِ. عِ نَشَ يّنّ رَبَ. عِ نَشَ مُحّ تِ. عِ نَشَ مِشِ تْوحّفّ. عِ نَشَ قُ مِشِ مَ. عِ بَبَ نُن عِ نفَ بِنيَ.›»

20 شّمّ نَشَ عِسَ يَابِ، «كَرَ مْشْ، ﭑ بَرَ نَ بِرِن نَبَتُ كَقِ ﭑ دِ مّدِ تّمُي.» 21 عِسَ نَشَ شّمّ مَتٌ، عَ نَشَ عَ شَنُ. عَ نَشَ عَ مَسٍن عَ بّ، «قٍ كٍرٍن نَن قَ لُشِ عِ بّ. سِفَ، سٍ نَشَن بِرِن نَ عِ يِ رَ، عِ سَ عَ مَتِ، عِ عَ كْبِرِ قِ سٍتَرٍيٍ مَ. نَ كُي، عِ قَمَ بَننَيَ سْتْدٍ عَرِيَننَ. عِ نَ نَ رَبَ، قَ، عِ بِرَ ﭑ قْشْ رَ.» 22 شّمّ تٌ نَ وْيّنيِ مّ، عَ نَشَ سِفَ سُننُنيِ كُي، بَرِ مَ هَرِفٍ فبٍفبٍ نُ نَ عَ يِ رَ.

Em outras traduções

SOSO Soso Kitaabuie: Tawureta, Yabura, Inyila

17 Isa to nu bara kira suxu, xɛmɛ nde naxa fa a gi ra a fɔxɔ ra, a a xinbi sin a bun ma. A naxa Isa maxɔrin, «Karamɔxɔ fanyi, a lan n xa munse raba alako n xa abadan kisi sɔtɔ kɛ ra?» 18 Isa naxa a masen a bɛ, «Munfe ra i n xilima karamɔxɔ fanyi? Mixi yo mu fan. Ala keren peti nan fan. 19 I sɛriyɛ kolon: ‹I naxa faxɛ ti. I naxa yɛnɛ raba. I naxa muɲɛ ti. I naxa mixi tɔɔɲɛgɛ. I naxa fu mixi ma. I baba nun i nga binya.›»

20 Xɛmɛ naxa Isa yaabi, «Karamɔxɔ, n bara na birin nabatu kafi n dimɛdi tɛmui.» 21 Isa naxa xɛmɛ mato, a naxa a xanu. A naxa a masen a bɛ, «Fe keren nan fa luxi i bɛ. Siga, se naxan birin na i yi ra, i sa a mati, i a kɔbiri fi setaree ma. Na kui, i fama bannaya sɔtɔde ariyanna. I na na raba, fa, i bira n fɔxɔ ra.» 22 Xɛmɛ to na wɔyɛnyi mɛ, a naxa siga sunnunyi kui, barima harige gbegbe nu na a yi ra.

Direitos das traduções citadas

Em outras traduções

Estes versículos te tocaram? Ore agora!