Marcos 10

عِسَ يٍرِكٌ دْنشُي رَيَلَنقٍ

46 عٍ نَشَ سٌ يٍرِكٌ. عِسَ نُن عَ قْشِرَبِرّيٍ مَن تٌ نُ كٍلِقٍ نَا، عٍ نُن حَمَ فبٍفبٍ، تِمٍيٌ شَ دِ شّمّ بَرِتِمٍيٌ نُ دْشْشِ كِرَ دّ رَ كُلّ مَتِدٍ. دْنشُي نَن نُ عَ رَ. 47 عَ تٌ عَ مّ عَ عِسَ نَسَرّتِكَ نَن نُ دَنفِقٍ نَا، عَ نَشَ سٌ عَ شِلِقٍ عَ شُي عِتٍشِ رَ، «عِسَ، دَوُدَ شَ دِ، كِنِكِنِ ﭑ مَ.» 48 حَمَ نَشَ وْيّن دْنشُي مَ عَ عَ شَ عَ سَبَرِ، كْنْ عَ حَن نَشَ عَ شُي عِتٍ دَنفِ عَ سِنفٍ رَ، عَ نُ شِلِ تِ، «دَوُدَ شَ دِ، كِنِكِنِ ﭑ مَ.» 49 عِسَ نَشَ تِ، عَ عَ قَلَ، «وٌ عَ شِلِ.» عٍ نَشَ دْنشُي شِلِ، عٍ عَ قَلَ عَ بّ، «لِمَنِيَ! كٍلِ، عِسَ نَ عِ شِلِقٍ!» 50 دْنشُي نَشَ عَ شَ دٌنمَ بِنيٍ وْلّ كٍرٍن نَ، عَ كٍلِ، عَ تُفَن، عَ سِفَ عِسَ يِرٍ. 51 عِسَ نَشَ عَ مَشْرِن، «عِ وَ مَ ﭑ شَ مُنسٍ رَبَ عِ بّ؟» دْنشُي نَشَ عَ يَابِ، «كَرَ مْشْ، ﭑ وَ مَ نّ ﭑ يَ شَ سٍ تٌ.» 52 عِسَ نَشَ عَ مَسٍن عَ بّ، «سِفَ، عِ شَ دَنشَنِيَ بَرَ عِ رَكِسِ.» عَ يَ نَشَ سٍ تٌ كٍرٍن نَ، عَ قَ بِرَ عِسَ قْشْ رَ كِرَ شْن.